Enpresak

Arabako Teknologia Parkea da lurraldeko ezagutzaren eta zientzia eta teknologia arloetako talentu gehien pilatzen duen tokia. Arabako zein Euskadiko industria arloko abangoardia biltzen du. Izan ere, Europak finkatutako sektore estrategikoetako enpresen, eragile nagusien eta startupen pool-a topa dezakegu bertan: biozientzia-osasuna; energia eta ingurumena: aeronautikoa-aeroespaziala eta EIKTak.
  • Gaur egun, 3.414 langile ditu 138 enpresatan banatuta.
  • Langileen % 37,4 goi mailako tituludunek osatzen dute (1.276 profesional) eta, % 33,4k (1.140) I+G arloan egiten du lan.
  • 2018an, 1.094 milioi euroko fakturazio bateratua erregistratua zuten.
  • I+G-an 77 milioi euro inbertitu zuten.
  • Arabako Teknologia Parkearen BPGarekiko inpaktua % 6,3koa da, enpleguarekiko % 9,0koa, eta bildutako diruarekiko % 7,4koa.

1992an inauguratu zutenetik, Parkea ezagutzaren transferentziaren zentroa izan da. Ekimen publiko eta pribatuen artean, besteak beste, enpresa nagusi batzuetako egoitzak daude bertan: Tecnalia, Aernnova Aerospace¬, Teknologia Aeronautikoen Zentro Fundazioa‭, Siemens Engines R&D, Neiker, CIC energiGUNE edo Biotechnology Institute (BIT) I+D besteak beste¬. Basque Cibersecurity Centrek estrategikoa den enpresa sektorea hedatzeko prozesua sendotzen du Arabaren erdi-erditik.

Arabako Teknologia Parkea Euskadiko Parke Teknologikoen Sare barruan dago. Euskadiko politika industrialean berrikuntzari eta nazioartekotzeari rol protagonistak ematearen aldeko apustua pilatzen duen talentuaren eta ezagutzaren ekosistema da. Sarea dagoeneko sendotuta dago I+G sektorea enpresen sarera transferituko duen eragile egituratzaile gisa eta 544 enpresa biltzen ditu hiru parketan (Araba, Bizkaia eta Gipuzkoa) banatuta. Horiek guztiak, banaka, berrikuntzagune erabakigarri bihurtu dira eta “sarean” autonomia-erkidegoan aberastasuna eta ongizatea sortzeko talentua, ikuspegia eta ezagutza partekatzen dituzte.

130 ENPRESA BAINO GEHIAGO