Bizkaiko Zientzia eta Teknologia Parkearen 35 urteurrena

Bizkaiko Zientzia eta
Teknologia Parkearen 35. urteurrena

1985eko irailaren 30ean eratu zen
Sociedad Parque Tecnológico-Teknologi Elkartegia S.A.

Euskadin eta Estatuan aintzindaria izan zen. Sortu berri zen Sozietatearen xede nagusietako bat industria-ekimena eta inbertsioa erraztea, sustatzea eta bultzatzea zen, balio teknologiko handiko enpresak ezartzeko aukera emango zuten azpiegiturak sortuz, industria-jarduerekin eta eduki berritzaile handiko zerbitzu-jarduerekin batera, eta unibertsitatearen, teknologia-zentroen eta enpresen arteko teknologia-transferentzia bultzatuz.

35 urte eta gero Bizkaiko Zientzia eta Teknologia Parkea berrikuntza gune garrantzitsuenetako bat da nahiko berriak diren baina dagoeneko 4.0 industriaren eta ekonomiaren garapenerako funtsezkoak diren sektoreetan.

Ezagutu non sortzen den gure etorkizuna

Burdinazko, altzairuzko eta hormigoizko 10 monolitok parkeak garapen ekonomikorako zentro eta I+G polo gisa duen garrantzia hurbilduko diete herritarrei, 20 argazki artistikoren, azalpen-panelen eta QR kodeen bidez.

 

Abanto-Zierbena, Leioa, Bilbo, Derio eta Zamudio izango dira Pedro Luis Ajuriaguerra muzkiztarraren argazki-erakusketa honetan.

 

 

Bizkaiko Zientzia eta Teknologia Parkearen 35. urteurrena ospatzeko erakusketa Deriora iritsi da

‘Ezagutu non sortzen den gure etorkizuna’ lelopean, erakusketak parkeak Euskadiko ongizateari, oparotasunari eta jarduera ekonomikoari egiten dion ekarpena erakutsi gura die herritarrei 
  

 

 

 

 

 

 

 

 

Parkeak 35 urte bete ditu, eta, gaur egun, erreferentea da Estatu-mailan eta nazioarte-mailan; teknologia-zentro eta unibertsitateen artean ezagutza eta talentua transferi dadin sustatzeko eta bultzatzeko egokia, kontuan hartuta transferentzia horrek jarraitu egiten duela, pandemia gorabehera.

Ingurune horretan, egunero, 10.644 profesionalek proiektu onenak garatzen dituzte 276 enpresa, kluster eta enpresa-elkartetan, unibertsitate eta prestakuntza-zentrotan, ikerketako eta fabrikazio aurreratuko zentrotan, elkartetan eta zentro teknologikotan. Guztira, 3.310 milioi euroko fakturazioa dute; Bizkaiko BPGd-aren %7 eragiten dute eta, urtero, 329 milioi inbertitzen dituzte I+G jardueretan, puntako sektore estrategikoetako proiektuetan, besteak beste, honako arlo hauetan: aeronautika, elektronika, automobilgintza, informazioaren teknologiak, ingurumena, energia, medikuntza eta biozientziak eta ingeniaritza.

35 urte bete ondoren esan dezakegu Parkearen ekosistemak aukera eman duela milaka pertsonak kontziliatu, gozatu, prestakuntza jaso eta sareak eta harremanak sortzeko. Ekosistema horretan, lanbide- eta enpresa-garapena sustatzen eta bultzatzen da, networkingari eta elkarbizitzari bide emateko zerbitzuekin, baina baita enpresen lehiakortasuna sustatzera bideratzen direnekin ere, kudeaketan, estrategian eta negozioan eginiko hobekuntzei esker. Ekosistema horrek, gaur egun bizi ditugun sasoi zail hauetan, neurria eman du, beharrezkoak izan diren malgutasuna, sormena eta berrikuntza erakutsi baititu hazkuntza eta jarduera orekatzeko, osasun-arloko prebentzio-neurri guztiekin.