CIC energiGUNEk bere 2021-2024 Berdintasun Plana onartu du, egungo parekotasun-egoera sendotzeko
Soilik merezimendu pertsonaletan oinarritutako lanbide-sustapenaren aldeko apustu sendoa egiten duen Zentroa da antolaketa-egituran parekotasun osoa duen Euskadiko IKZ-CIC bakarra, ez bakarrik ikertzaile-taldeari dagokionez, baita zuzendaritza-batzordean ere
Helburua egungo oreka-egoerari eustea eta hobetu daitezkeen puntuak identifikatzea da, berdintasunaren arloan duela gutxi egin den eta oso emaitza positiboak eman dituen diagnostikoan oinarrituta
CIC energiGUNEk, baterietan, energia termikoko soluzioetan eta hidrogenoan erreferentea eta Basque Research & Technology Alliance-BRTAko kidea den euskal ikerketa-zentroak, bere lehen Berdintasun Plana onartu du, zentroak arlo horretan gaur egun duen oreka-egoera sendotzeko. Une honetan, CIC energiGUNE da maila guztietan, ikerketa-taldetik zuzendaritza-batzordera, parekotasun osoa duen Euskadiko Ikerketa Kooperatiboko Zentro bakarra.
“Agerian utzi nahi genuen konpromisoa zen”, esan du Nuria Gisbert Zuzendari Nagusiak. “Gure garapen profesional politika beti egon da pertsona bakoitzaren merituekin lotuta, inolako baldintzatzailerik gabe, eta erabateko oreka-egoerara modu naturalean iritsi gara. Plan honen bidez, egitura osoa berdintasunaren aldeko apustuaren parte bihurtzen dugu, lortutako lorpenei eustea bermatzen dugu eta balizko hobekuntzei atea irekitzen diegu”, azpimarratu du Asier Urzelai CIC EnergiGUNEko Pertsonen Arloko Zuzendariak.
Berdintasun Plana onartu aurretik, CIC energiGUNEk berdintasunaren arloko diagnostiko bat egin du, adierazle kuantitatibo eta kualitatiboetan oinarrituta. Langileei genero-berdintasunari buruz egindako inkestaren emaitza bikaina izan da: 90etik 83,7 puntu. Era berean, Berdintasun Batzordearen batez besteko balorazioa 8,7 puntukoa izan da, 10etik.
Gainera, adierazle kuantitatiboek parekotasun osoa islatzen dute lantaldearen osaeraren maila guztietan, eta erabateko ekitatea, bai soldatari dagokionez, bai karrera- eta garapen-aukerei dagokienez, zentroko pertsona guztientzat. Ondorioz, lortutako berdintasun-mailei eutsiko zaiela bermatzeko eta hobekuntza berriak egin ahal izateko zenbait helburu zehaztu dira, 2021-2024 Berdintasun Planari forma emanez.
Zuzendaritza Batzordeari dagokionez, CIC energiGUNE da emakume bat Zuzendari Nagusi, Nuria Gisbert —erantzukizun-kargu hori eskuratu duen lehen emakumeetako bat—, eta Batzorde Zientifiko paritarioa dituen Euskal Autonomia Erkidegoko horrelako zentro bakarra. Izan ere, ikerketaren bi arlo nagusiek, termikoak eta elektrokimikak, emakume Zuzendari Zientifikoa dute une honetan: Elena Palomo eta Montse Casas-Cabanas doktoreak.
