Ezagut itzazu zure enpresa ezartzeko espaziorik onenak, eskain diezazkizugun aukera zabalak arakatuz eta zure beharretara ondoen egokitzen dena aukeratuz.
bizi parkea
Parkeko ekosistema osatzen duten pertsonei eta enpresei Parkeak eskaintzen duen potentzialtasun guztia aprobetxatzen eta, profesionalki eta bizipenei dagokienez, Parkearen esperientziaz bete-betean gozatzen laguntzen dieten zerbitzuak. Jarduera modu eroso, atsegin, eraginkor eta jasangarrian garatzen laguntzeko zerbitzuak, haien negozio-helburuak lor ditzaten ahalbideratuz.
Ikusi ekitaldiak eta albisteak.
aukerak lotzen
Elkartzeko espazioak sortuta, Parkeko enpresei elkarrekin harremana izaten laguntzen dieten zerbitzuak, inguruko beste enpresa eta eragile batzuekin negozioak gara ditzaten. Kontaktu pertsonalizatuak identifikatzen laguntzen dizugu, Parkeetako enpresa berriekin harreman pertsonalizatua izaten, sektore eta jarduera oso zehatzekin lotutako enpresekiko topaketak sustatzen ditugu, berariazko sektore eta jarduerekin lotutako Estatuko eta nazioarteko beste ingurune batzuetako enpresekin elkar zaitezen laguntzen dugu, bai eta Estatuko eta nazioarteko enpresa traktoreekin ere.
Ikusi ekitaldiak eta albisteak.
pertsonak indartzen
Parkera giza-kapitala erakartzen eta enpresetako talentuaren leialtasuna lortzen laguntzen duten zerbitzuak, garapen profesionala bultzatuta eta bokazio zientifiko-teknologikoak sustatuta. Hauexek dira indargune nagusiak: gazteen artean bokazio zientifiko-teknologikoak sustatzea –oro har eta, batez ere, emakumeen artean–; zientziaren eta teknologiaren arloetan erreferente diren Parkeko enpresetako emakumeak ikusaraztea; espezializatutako profesionalak erakartzea, Parkeak talentu-gune gisa duen irudia indartuz; Parkeko profesionalei prestakuntzan eta gaitasunak hobetzen laguntzea; eta talentuaren leialtasuna lortzea.
Ikusi ekitaldiak eta albisteak.
proiektuak bultzatzen
Parkeko ekosistema osatzen duten enpresei hazten eta ezagunagoak eta aintzatetsiak izaten, merkatura arrakastaz iristen edo merkatu berrietara sartzen, eta kanpoan Parkearen balioen erreferente izaten laguntzen dieten zerbitzuak. K-impulse zerbitzuaren barruan, hainbat jarduketa egiten da, hala nola berrikuntzako eragile nagusiak eta talentua identifikatu eta haiengana hurbildu, bai eta haien finantzazio-programa publiko eta pribatuetara ere; enpresa hazteko eta sendotzeko kapitala eta finantzazioa bilatzeko aukerak ezagutzeko ekitaldiak eta jardunaldiak antolatu; erakundearen hazkundean eta nazioartekotzean modu pertsonalizatuan lagun egin; eta lanerako espazio malguak eskaini, hala nola sormen-aretoak eta -espazioak, prezio bereziekin.
Ikusi ekitaldiak eta albisteak.
ideiak ikusaraziz
Merkatuan posizionatzen eta balizko bazkide, bezero eta lehiakideek mundu hiperkonektatu batean modu positiboan ezagut ditzaten laguntzeko komunikazio-zerbitzuak eskaintzen dizkie Parkeko enpresei. Gure enpresen balio-proposamena ezagutzera ematen dugu, Parkearen kanalen gaitasuna, irismena eta prestigioa aprobetxatuz, bai eta Parkearen komunikazio-baliabide eta -tresnak ere: webgunea (Parkeko enpresen eta ekitaldien inguruko berriak), argitapenak (enpresa-buletina eta Euskotek aldizkaria), sare sozialak (Facebook, Instagram, Twitter, LinkedIn eta Youtube) eta informazio-espazioak komunikabideetan.
Ikusi ekitaldiak eta albisteak.
etorkizuna eraikitzen
Parkeko enpresei paradigma-aldaketa teknologikoei eta ekonomian sortzen diren erronka digital berriei aurrea hartzen laguntzeko zerbitzuak, joerak atzematen eta balio handiko eta haien interesei zuzendutako saioak eskaintzen laguntzen dietenak. Prospektiba lantzen da eta, horren bitartez, Parkeko enpresetarako negozio izan daitezkeen teknologia disruptiboak identifikatzen dira; informazioa, ekitaldien eta jardunaldien bitartez bideratzen dena, non azkeneko aurrerapen zientifiko-teknologikoak ezagut daitezkeen; prestakuntza, teknologia aurreratuak erabiltzeko aukerarekin; negozioan teknologia aplikatzea, Parkeko enpresen benetako kasu disruptiboak aurkeztuz eta haien artean B2B harremanak bultzatuz, teknologia horiek ezar daitezen sustatzeko; eta lagun egitea eta komunikazioa, garapen teknologikoak ikertzetik eta ezartzetik hasi eta horien komunikazioraino.
Ikusi ekitaldiak eta albisteak.