Gure konpromisoa

Emakumeen eta gizonen berdintasunerako Planaren bitartez, emakumeek zientzian eta teknologikoan betetzen duten eginkizuna ezagutzera ematearen eta bultzatzearen alde lan egiten du Euskadiko Parke Teknologikoak. Plan horren erdigunean dago aukera-berdintasunarekiko konpromisoa indartzea, lan-munduan diskriminaziorik eza bermatzea eta espazio seguru eta jazarpenik gabea sortzea. Gainera, enpresekin eta erakundeekin lankidetzan, bokazio zientifiko-teknologikoak sustatzeko ekimenak sortu dira. Parkeak eginkizun aktiboa du Inspira TSTEAM proiektuan; genero-rolak desprogramatzea eta Euskadiko lehen hezkuntzako ikasleen artean bokazioak sustatzea da egitasmo horren helburua.

Emakumeek zientzian eta teknologian duten eginkizunari buruz gehiago jakiteko

Zientzia eta teknologia gizarteari hurbiltzeko ahalegina egiten dugu Euskadiko Parke Teknologikoan, kultura zientifikoa eta teknologikoa sustatuko dituen ingurune bat sortuz. Musik-fest proiektua, kros lasterketa, Aurkitu Parkean, Nordic Walking, kirol-txapelketak eta beste hainbat ekimenen bitartez, gizartearekin dugun konpromisoa indartu eta zientziaren eta teknologiaren dibulgazioa sustatzen dugu. Gure helburua da gizarte informatuago eta parte-hartzaileagoa eraikitzea, non guztiok izango dugun zientzia eta teknologia ulertzeko, erabiltzeko eta horien inguruan erabakitzeko aukera.

Euskadiko Parke Teknologikoak enpresa, instituzio publiko eta erakundeekin lankidetzan lan egiten du, gazteen artean bokazio zientifiko-teknologikoak sustatzeko. Arreta berezia eskaintzen zaio emakumeak promozionatzeari eta aukera- eta promozio-berdintasunari. Gainera, hainbat ekintza egiten da, hala nola Lanbide Heziketaren Esperientziaren Foroa, Bizitza zientifikoak, ikastetxeetara bisitak eta hezkuntzaren eta Zientzia eta Teknologiaren dibulgazioaren munduko eragileekin lankidetza.