CYBENTIA taldea eta EUNEIZ unibertsitatea elkarrekin, automobilgintzari/mugikortasunari aplikatutako zibersegurtasuneko
Akordio horren ondorioz, bi erakundeek kontzientziazio- eta sentsibilizazio-ekintzak eta -jarduerak antolatu eta garatuko dituzte, bai eta eremu horrekin lotutako jarduerak ere. Halaber, zibersegurtasunari lotutako I+G+b proiektuak diseinatu, garatu eta bultzatuko dituzte, bai eta horiek mugikortasunari eta ibilgailu konektatuek ezartzen dituzten teknologiei aplikatzeari buruzkoak ere
CYBENTIA Taldeak eta EUNEIZ Unibertsitateak, teknologian, osasunean eta kirolean espezializatuak, lankidetza-hitzarmen bat sinatu dute automozioaren/mugikortasunaren esparruan zibersegurtasuna hobetzeko helburu nagusiarekin. Horretarako, CYBENTIA Taldeak, Automobilgintzari/Mugikortasunari aplikatutako zibersegurtasunean espezializatutako ikastaroen katalogo zabal batez gain, bere ezagutza teknikoa, komunikazio estrategikoan eta ikerketan esperientzia handia eta automobilgintzari eta mugikortasunari aplikatutako zibersegurtasunean espezializatutako prestakuntzan duen ibilbide luzea eskainiko ditu, eta EUNEIZek, bere prestakuntza-proposamenean Zibersegurtasun Gradua duenez, bazkide akademiko eta kolaboratzaile estrategiko gisa jardungo du, hezkuntza-esparruan duen esperientzia eta hedapen eta proiekzio instituzionalerako gaitasuna eskainiz.
Hitzarmen hau sinatuta, bi erakundeek EUNEIZeko ikasleen ezagutza eta gaitasunak sustatzeko aliantza formalizatu dute, mugikortasunari eta automobilgintzari aplikatutako zibersegurtasunaren esparruan. Horretarako, CYBENTIA Taldeak prestatutako berariazko prestakuntza-programak erabiliko dira, eta EUNEIZeko ikasleen kanpoko praktikak egin ahal izango dira CYBENTIA Taldearen instalazioetan.
Elkartze horrekin, CYBENTIA Taldeak bere konpromisoa erakutsi du Vitoria-Gasteizko Campusa automobilgintzari/mugikortasunari aplikatutako zibersegurtasuneko prestakuntza espezializatuaren nazioarteko erreferentzia-gune bihurtzeko eta ezagutza-polo paregabea sortzeko automobilgintzaren sektorearen eraldaketa digitala nagusi den mundu honetan.
