Euskadiko Parke Teknologikoak duela gutxi Parke ekosisteman sartu diren sei erakunde berri aurkeztu ditu K·business-en
Amebi Sistemak, JakinCode, Lancor 2000 SCOOP, PGM HY-TECH, Safeloc Systems eta Zaec Proyectos de I+D+I dira azken hilabeteetan Euskadiko Parke Teknologikoko campusetan ezarri diren erakundeetako batzuk, eta ekimen honetako protagonistak izan dira, euren produktuak eta zerbitzuak ezagutaraziz
Euskadiko Parke Teknologikoak duela gutxi Campusetan ezarri diren sei erakunde berri aurkeztu ditu K·business topaketan. Amebi Sistemak, JakinCode, Lancor 2000 SCOOP, PGM HY-TECH, Safeloc Systems eta Zaec Proyectos de I+D+I enpresek euren jardueren, produktuen eta zerbitzuen berri eman dute Euskadiko Parke Teknologikoko erakundeen arteko topaketa horretan. Topaketaren helburua kontaktua, lankidetza eta negozioaren garapena bultzatzea da. Gaurko topaketan Parke Teknologikoko 26 erakundetako 36 pertsonak hartu dute parte.
Orain arte egindako topaketa horien 20 edizioetan 300 erakundek baino gehiagok hartu dute parte, eta merkataritza akordio ugari lortuz fruituak eman dituzten aldebiko 600 bilera baino gehiago egin dira.
Aldebiko topaketak
Ekimenak enpresa bakoitzaren aurkezpen erronda bat izan du, eta, ondoren, aldebiko topaketak egin dira, negozioen erronka berrietarako baliozko kontaktuak aurkitzeko.
Amebi Sistemak industria inguruneko erakundeei ekoizpen prozesuaren kudeaketa era automatikoan eta denbora errealean optimizatzen laguntzen espezializatutako enpresa da. Axon garatu du, datu ugari aztertzeko, ehunka erabakitan laguntzeko, bete ez diren entrega epeak eta ekoizpenaren etenaldiak prebenitzeko eta fabrikazioan jarraibide berrien araberako eskuzko plangintzak edo birplangintzak saihesteko gai den ekoizpena kudeatzeko plataforma adimenduna. Donostia campusean egiten du bere jarduera.
JakinCode Gasteiz Campusean dago, eta enpresa inguruneko zibersegurtasunean eta compliancean dago espezializatuta. Bertako adituak informazioa baimenik gabeko hirugarrenei jakinaraztea saihesten eta konpainien negozioaren jarraitutasuna ziurtatzen ahalegintzen dira. JakinCodek bezero bakoitzaren informazioaren segurtasuna eta pribatutasuna kudeatzeko soluzio aurreratuak diseinatzen, garatzen eta ezartzen ditu.
Lancor 2000 SCOOPek motor eta sorgailu elektrikoak diseinatzen eta fabrikatzen ditu. Ingeniaritza zerbitzua ematen die bere partnerrei, makina elektrikoekin erlazionatutako esparru guztietan, asmatzen direnetik seriean fabrikatzen diren arte. Duela gutxi ezarri da Abanto campusean.
Abanto Campusetik, baita ere, PGM Metall talde alemaniarraren parte den PGM HY-TECH industriako lantegien eta poliduktoen eraikuntzan eta mantentze-lanetan espezializatuta dago. Enpresak ikerketa propioa eta adimen artifizialeko teknologia aplikatzen ditu, eskuz, modu erdiautomatikoan edo erabat autonomoan kudea daitezkeen sistema eragileak garatzeko, efizientzia eta berrikuntza handitzeko xedez.
Safeloc Systemsek, Donostia Campusean dagoen CEIT Zentro Teknologikoaren spin-off-ak, aktiboen kokapena denbora errealean eraldatzen du (RTLS), haririk gabeko konektagarritasuneko Ultra Wide-Band teknologia berritzailearekin (UWB). Safeloc Systemsen Denbora Errealeko Lokalizazio Sistemak (RTLS) prozesu industrialak iraultzen ditu, oso eragiketa eraginkor, seguru eta optimizatu bihurtuz. Ultra Wide-Band (UWB) teknologiari esker, Safeloc Systemsek distantzia neurtzeko eta objektuak eta pertsonak lekutzeko soluzio zehatzak eskaintzen ditu, produktibitatea handituz eta lan ingurune seguruagoak sortuz.
Gasteiz Campusean dagoen ZAEC Proyectos de I+D+i, nekazaritzako, batez ere mahastizaintzako eta ardogintzako, elikagaien hondakinetatik abiatuta azpiproduktu berritzaileak garatzen espezializatutako enpresa da. Tratatu gabeko hondakinak baliabide baliotsu bihurtzeko prozesuan lider izan nahi duen ikerketa-laborategi aurreratua du, ziklo ekonomiko garbiagoa eta jasangarriagoa sustatuz. I+G+b-n adituak diren aholkularitza-zerbitzuak ere eskaintzen dizkie enpresei, gobernu-erakundeei eta bestelakoei.
K·business Euskadiko Parke Teknologikoaren Networking zerbitzua da, eta enpresei elkar ezagutzen eta inguruko beste enpresa eta eragile batzuekin harremanetan jartzen laguntzea du helburu, lankidetzan aritzeko eta negozioa garatzeko aukerak identifikatuz eta sortuz.
K·business zerbitzua Euskadiko Parke Teknologikoaren BEParke ekimenaren barruan dago. Ekimen horren helburua enpresa-proiektuen beharrak asetzea da, zerbitzu espezializatuen katalogo berri baten bidez. Ildo horretan, Networking K·business zerbitzuaz gain, PARKE markak beste lau zerbitzu ditu: K·talent, K·impulse, K·future eta K·media, garapen enpresariala, profesionala eta pertsonala bultzatzeko pentsatutakoak.
