GAIKER hidrogenoa biltegiratzeko eta garraiatzeko teknologia berriak ikertzen ari da
ONTZHI proiektua hidrogeno gasa biltegiratzeko eta garraiatzeko material berrien garapenean eta hidrogenoaren eta biltegiratze- eta garraio-azpiegiturako materialen arteko interakzioaren karakterizazio-metodo berrien garapenean ari da lanean
GAIKER Zentro Teknologikoak, Basque Research & Technology Alliance, BRTAko kideak, “Hidrogenoa biltegiratzeko eta garraiatzeko teknologia giltzarriak, ONTZHI” proiektuan parte hartzen du. Proiektu horren helburua hidrogenoa biltegiratzeko eta garraiatzeko teknologiak eta soluzioak ikertzea da, seguruagoak, trinkoagoak, errentagarriagoak eta jasangarriagoak izan daitezen.
Europar Batasunaren helburua da 2023rako berotegi-efektuko gasen emisioak % 55 murriztea eta 2050erako emisioen neutraltasuna lortzea. Hidrogeno berdea erabiltzea soluzio bat izan daiteke; izan ere, energia-iturri % 100 garbia da, energetikoki eraginkorra, ez du gasik sortzen eta sortzen duen hondakin bakarra ura da. Baina, horretarako, eskala handiko biltegiratze eta garraio segurua eta errentagarria behar da, lehiakortasun ekonomikoa bermatu ahal izateko.
Gaur egun, hidrogenoa presiopeko gas moduan biltegiratu eta garraiatu daiteke tanga eta hodietan, edo egoera likidoan tanga kriogenikoetan, baina bere propietate fisiko-kimikoak beste erregaienak ez bezalakoak direnez, zaila da teknologia horiek garatzea, eta ikerketan aurrerapenak egin behar dira garraiatu eta biltegiratu ahal izateko azpiegiturak garatzeko.
Egoera horri erantzuteko, 2023an ONTZHI proiektua hasi zen, Eusko Jaurlaritzak finantzatua (ELKARTEK programa). Hidrogenoa biltegiratzeko eta garraiatzeko irtenbideak bilatzen ditu, materialak elementu kimiko horren degradazio-efektutik babesteko material eta estrategia berriak garatuz.
Proiektu honen helburua da tanke eta hodietako materialen erresistentzia hobetzea, pisua eta kostua murriztea, biltegiratzeko eta garraiatzeko sistemen segurtasuna eta iraunkortasuna handitzea, eta hidrogenoarekiko interakzioan material metalikoek dituzten mugei buruzko ezagutza ikertzea eta sortzea.
Horren ondorioz, laborategi-eskalako bi frogagailu garatuko dira, bata hidrogeno-hesiaren estaldurarena eta bestea polimero birziklagarrietan oinarritutako IV motako H2 biltegiratze-tanga batena, baita karakterizazio-metodo sinplifikatuak definitzeko eta garatzeko erabiliko den eredu konputazional bat ere.
GAIKERren jarduera, batez ere, mugikortasun-tankeetarako konponbideak ematea da. Hidrogenoarekiko hesi-propietateak dituzten material termoplastiko polimerizagarriak in situ diseinatzen eta ikertzen ari da, rotomoldeaketa eta IV. motako hidrogeno-tangen filament winding bidezko inguratzaile bidezko linerrak egiteko, bai eta tape formatuko konposite termoplastikoak diseinatzen eta ikertzen ere, tape winding robotizatuaren teknologiarekin inguratzaileak egiteko.
ONTZHIk Zientzia, Teknologia eta Berrikuntzaren Euskal Sarearen (ZTBES) eta euskal enpresen posizionamendu zientifiko-teknologiko eta komertziala hobetu nahi du hidrogenoaren sektorean eta, bereziki, hidrogeno berdearen garraio- eta biltegiratze-teknologietan.
