Enpresak

Euskadiko Parke Teknologikoek hiru hamarkada baino gehiagoko ibilbidea biltzen dute. Instalazioetan hainbat sektoretako enpresak kokatzen dira: informazioaren eta komunikazioaren teknologiak, elektronika, aeronautika, I&G;, medikuntza eta biozientzia, energia eta ingurumena, ingeniaritza, automozioa, zerbitzu aurreratuak, zerbitzu orokorrak, unibertsitatea eta prestakuntza-eragileak, berrikuntza eta inkubazioa.

Informazioaren teknologietako konpainiak dira parkeetan langile gehien biltzen dutenak; zehazki, horien lantaldea guztizkoaren % 22koa izan ohi da. Sektore horrek eragin berezia du Bizkaiko Parkean; bertan, IKTez arduratzen diren enpresek guztizko lantaldearen % 24 eskaintzen dute.

Euskadiko Parkeen Sareko plantillan pisu handiena duen beste sektore bat I+G da; ikerketan eta garapenean euskal parke teknologikoetako bost langiletik batek lan egiten du (% 19). Aipagarriak dira, halaber, elektronikaren sektoreak (% 10) eta biozientzien sektoreak (% 9).