Pablo Izeta, Eskuin-eko presidente berria

Pablo Izeta, BELLOTAko zuzendari nagusia, aukeratu dute ESKUINeko presidente, Miguel Gonzalezen lekua hartuz

Pablo Izeta aukeratu dute Burdineria eta Hornidura Industrialeko Clusterreko presidente. Espainian eskuko erremintak eta sarrailagintza produktuak egiten dituzten 20 enpresa ordezkatzen ditu klusterrak.

Pablo Izeta, 56 urtekoa eta donostiarra, Ekonomia eta Enpresa Zientzietan lizentziatua da, Marketineko espezialitatean. Duela 10 urte hasi zen BELLOTAn lanean, Mexikoko filialaren arduradun gisa. Bertan lau urtez egon zen, eta

ondoren, Legazpira joan eta Europa, Asia eta Afrikako zuzendari nagusi izendatu zuten. Gaur egun, Europako eta Latinoamerikako konpainiaren presidentea da.

1908an sortua, Bellota Legazpin egoitza duen enpresa bat da, Venanpri Taldekoa, antzinako Patricio Echeverria Korporazioan sortua. Bere lehen enpresa Legazpin sortu zuen gipuzkoar enpresariak 1908an burdinola tailer batetik.

Bellota liderra da Espainian esku-erreminten merkatuan. Bestalde, nekazaritza, lorezaintza, eraikuntza eta industriako profesional eta erabiltzaileentzako esku-tresnen diseinuan eta fabrikazioan espezializatuta dago. Venanpriren esku-erreminten dibisioan sartzen da. Mundu osoan 1.066 pertsonek egiten dute lan, eta lantegi produktiboak ditu Legazpin, Nafarroan, Kolonbian, Mexikon eta Erresuma Batuan.

Elkarte sektorialeko lehendakari berriak ere esperientzia handia du ESKUINen. 2011-2012 urteetan, AFACEk (Sarrailagintza Fabrikatzaileen Elkartea) ESKUINen parte hartu zuen, Herramex-etik egindako trantsizioan, eta 2017-2018 urteetan, BELLOTAren ordezkari izan zen ESKUINeko zuzendaritza-batzordean.

ESKUIN Burdineria eta Hornidura Industrialeko Klusterra da eta Espainian eskuko erremintak eta sarrailagintzako produktuak kalitate eta segurtasun estandar gorenetan fabrikatzen dituzten 20 enpresa ordezkatzen ditu. Sektorearen lehiakortasuna hobetzeko ekintzak egitea du helburu, enpresen arteko lankidetzaren bidez.

ESKUINeko  enpresek 443  milioi euroko  fakturazioa lortu zuten 2022aren amaieran,

2021ekoaren ia berdina, urte hartan euren fakturazio errekorra hautsi baitzuten. Urteko joera beheranzkoa izan zen, merkatu nazionalak nazioarteko merkatuek baino dinamismo pixka bat gehiago erakutsi zuen, 208 milioi euro guztira, eta % 2,85eko hazkundea aurreko urtearen aldean. Bestalde, esportazioek % 2,7 egin zuten behera, 2021ean lortutako salmentekin alderatuta.

Urteko lehen seihilekoa igarota, 2023rako aurreikuspenak positiboak dira oraindik, nahiz eta, merkatu nazionalean ez bezala, kanpo-merkatuak nolabaiteko moteltzea erakutsi duen. Hala eta guztiz ere, 2022tik aurrera sektorearen salmentek bere horretan jarraitzea edo apur bat haztea espero da.