Velatiak AENORen Gobernu Onaren eta Gobernantzaren lehen ziurtagiria lortu du

“Gobernu Ona eta Gobernantza” ziurtagiria gobernu korporatiboko eredu profesionalizatuak eta erakunde bakoitzaren errealitatera egokituak sustatzen dituen irtenbidea da

Velatiak (Ormazabal, Ikusi, Supsonik, Idistek, Smarmec, Stratenergy, Wec) aintzatespena lortu du AENORen partetik, gobernu korporatiboaren arloko praktika onenekin duen konpromisoagatik, eta “Gobernu Ona eta Gobernantza” irtenbidearen ziurtagiria lortu duen lehen erakundea izan da.

AENORen “Gobernu Ona eta Gobernantza” soluzioa hiru bloke nagusitan egituratzen da. Lehenak gobernantza-printzipioak aipatzen ditu, bigarrenak gobernu-organoen osaera eta funtzionamendua, eta hirugarrenak gobernu-eredu korporatiboa ebaluatzeko eta etengabe hobetzeko tresnak.

Javier Ormazabal Velatiako presidentearen ustez, “Gobernu Onaren eta Gobernantzaren ziurtagiri hau jasotzen duen kotizatu gabeko lehen enpresa gara, eta horrek agerian uzten du Velatian urteak daramatzagun lan ona, eta gardentasunarekin eta gizarte- eta enpresa-erantzukizunarekin dugun konpromisoaren saria da. Gure DNAren eta duela ia 60 urteko konpromisoaren eta gure etorkizunaren funtsezko zati bat da. “