Biolanek 2024ko Berrikuntza Sari Nazionala jaso du
Zientzia, Berrikuntza eta Unibertsitate Ministerioak atzo iragarri zituen 2024ko Berrikuntza eta Diseinuko Sari Nazionalak irabazi dituzten pertsonak eta erakundeak, “Espainiak berrikuntzaren eta diseinuaren arloetan duen aintzatespenik garrantzitsuena” delakoan
BIOLANek Berrikuntzaren Sari Nazionala jaso du 2024ko Enpresa Berritzaile Txiki eta Ertainen modalitatean
BIOLAN, euskal enpresa bioteknologikoa, berrikuntzaren bidez lider izatera iritsi da elikagaien kontrolari eta segurtasunari aplikatutako biosentsorikaren nazioarteko merkatuan, eta osasun-sektoreko diagnostikoari ere heldu dio, produktu propio eta berritzaileekin
Sari honek BIOLANen enpresa-ibilbidea aintzatesten du, berrikuntza bere negozio- eta lehiakortasun-estrategiaren ardatz nagusia izatearen aldeko apustu irmo eta ukaezinaren adibidea
BIOLAN Microbiosensores euskal enpresa bioteknologiko bat da, elikagaien arloan biosentsorika aplikatzen liderra, elikagaien sektoreak elikagaien kalitatea eta segurtasuna kontrolatzeko tresna analitiko eta diagnostiko azkar, erraz eta eraginkorrak izateko duen premia hedatuari 2009tik erantzuna emanez.
Bere ibilbidean, BIOLANek analisirako eta diagnostikorako hainbat tresna garatu eta merkaturatu ditu, batez ere biosentsoreetan oinarrituak, elikagaien industriaren esparruan intereseko parametroak kuantifikatzeko, eta merkatuak dibertsifikatzea lortu du, hala nola arrantza-sektorean histamina zehaztuz, krustazeoetan sulfitoa kontrolatuz, esnekien sektorean laktosa kuantifikatzeko, haragiaren sektorean nitritoa neurtuz, eta era guztietako elikagaietan gatza neurtzeko soluzioa emanez, besteak beste.
2014an, ezagutza zientifiko-teknologiko guztia osasunaren sektorera bideratzeko aukera identifikatu zuen, osasunaren diagnostikoan eta monitorizazioan irtenbide berriak emateko, sektore horretara bideratutako negozio-lerro berri baten alde eginez, BIOLAN HEALTH, merkatuan Point of Care (PoC) gailuak jarriz, adibidez, laktosarekiko intolerantzia diagnostikatzeko, eta immunosaiakuntzetan oinarritutako test azkarrak, hala nola antigeno testak eta COVID-19 antigorputzak.
2017an, BIOLANek ulertu zuen bere produktuen digitalizazioa eta bere prozesu propioak aukera bat zirela bere lehiakortasuna hobetzeko, eta, horrela, bere produktuen eta prozesuen eraldaketa digitalari ekiteko erabakia hartu zuen, bere biosentsoreei konektagarritasuna emanez eta datuak atzitzeko, aztertzeko eta bistaratzeko plataforma bat garatuz, 2021ean merkaturatu zen produktu-sorta berria. BIOLAN bezalako enpresa bioteknologiko baten digitalizazioan egindako ahalegin horri 4.0 Industria Konektatuaren Sari Nazionala eman zitzaion 2022an.
Berrikuntza sortzetikoa da BIOLANentzat, irtenbide berritzaileak dituen balio-proposamen bat arrakastaren eta lehiakortasunaren gakoa dela sinetsita, eta hirurogei herrialdetan baino gehiagotan arrakastaz lehiatzera eraman du konpainia, balio erantsi handiko produktuekin, bai osasunaren arloan, bai elikagaien arloan, etengabe zabaltzen ari diren produktuen katalogoarekin, negozioaren hazkunde iraunkorra ahalbidetuz.
Gaur egun, BIOLANen berrikuntza-apustua bi joera nagusietan oinarritzen da: digitalizazioan eta jasangarritasunean. Hortik abiatuta, berrikuntza teknologikotik harago lan egiten da, eta berrikuntza lantzen da fabrikazio-prozesuetan, barne-kudeaketan, lan-ongizatean eta ingurumena errespetatzeko konpromisoan.
Berrikuntzarekiko konpromiso horren azpian erakunde osoa dago, 100 pertsonatik gorako diziplina anitzeko talde profesional handi baten parte-hartzearekin. Talde horrek egunero ahalbidetzen du BIOLANek arrakasta izaten jarraitzea eta 2024ko Berrikuntzaren Sari Nazional hau bezalako aintzatespenak lortzea.
