CIC energiGUNE aurrera doa redox-fluxu baterietarako elektrolito organikoen garapenean, eta prototipatze-prozesua prestatzen ari da jadanik

Pilsenen (Txekiar Errepublika) egin den eta bera buru duen fluxuzko bateria organikoen diseinua bultzatzeko gidatzen duen Europako HIGREEW proiektuaren workshopean, Euskal zentroak gaur egun gehien erabiltzen direnen alternatiba eskuragarri eta jasangarri bihur daitezkeen materialen, hala nola, banadioaren, aukeraketan lortutako lorpenak aurkeztu ditu

Ekimen horren bitartez, CIC energiGUNE erreferente gisa jartzen da garbiagoak diren eta energia berriztagarriak biltegiratzearen alorrean integratzeko gai diren elektrolito organikoan oinarritutako prestazio altuko redox-fluxu urtsuko baterien garapenean

CIC energiGUNEk, baterietan, energia termikoko soluzioetan eta hidrogenoan erreferentea eta Basque Research & Technology Alliance-BRTAko kidea den euskal ikerketa-zentroak, redox-fluxu baterietarako elektrolito organiko baten garapenean lortutako aurrerapenak aurkeztu ditu. Aurrerapen horiek Europan lortzen zailagoak eta toxikoagoak diren materialen ordez osagai eskuragarriagoak, prestazio handiagokoak eta, batez ere, jasangarriagoak lortzeko aukera emango dute. Iragarpena martxoaren 2an eta 3an egin da Pilsenen (Txekiar Errepublika), “Redox-fluxu bateriek energia-trantsizioan betetzen duten funtsezko paperari” buruzko mintegiaren barruan, euskal zentroa buru den Europako HIGREEW proiektuaren barruan.

“Banadioa material urria da, prezio aldakorra du, eta baldintza geopolitikoen mende dago”, ziurtatu du HIGREEWko workshopera bertaratutakoei lana aurkeztu dien Eduardo Sánchez CIC energiGUNEko ikertzaileak. “Gure ikerketa material organikoak garatzean eta elektrolitoan integratzean oinarritu da, redox-fluxu baterientzat alternatiba jasangarria, merkeagoa eta prestazio handiagokoa aurkezteko”.

CIC energiGUNEren lanaren barruan, baterietan jarduteko propietate onenak dituzten material organikoak identifikatu dira, hasierako planteamendua material aktiboen hainbat aukerarekin egin ondoren. Horrela, euskal zentroak Arabako Parke Zientifiko eta Teknologikoan dituen instalazioetan proposatutako aldaketei esker, potentziari dagokionez Europar Batasunak eskatutako kostu-helburuak (0,05 €/ kWh/ziklo) lortzea ahalbidetuko luketen energia-dentsitate handiko eta prestazio hobeko bateriak lortu ahal izan dira.

Aurkezpenean, Sanchezek formulazioan doikuntzak eginez pH neutroan eraginkortasun handiko elektrolitoak garatzeko plana deskribatu du. Horri esker, 0,3 S/cm arteko eroankortasunak, biskositate baxuak eta tenperatura-tarte zabalean (0-45ºC) jardun dezaketen elektrolitoak lortu ahal izan dira. Era berean, egindako ikerketa-lan guztiaren errepasoa egin du, material aktiboen garapen eta sintesitik elektrolitoen formulaziora eta horien eskalatzera heltzeko.

Azkenik, CIC energiGUNEko ikertzaileak gelaxkako errendimendu-emaitzetan eta elektrolitoa eskalatzeko eskakizunetan jarri du arreta. Horrela, proiektuaren prototipoan inplementatu beharreko formulazioaren kostuaren emaitzak ere iragarri dira. Proiektua La Planan (Zaragoza) instalatuko da, Siemens Gamesa Renewable Energies enpresaren instalazioetan.

HIGREEW eta energia-trantsizioa

CIC energiGUNE buru duen Europako HIGREEW proiektuak kostu txikiko oinarri urtsuko elektrolito organiko berria garatzea du helburu. Partzuergoa materialetan, biltegiratze-sistemetan eta energia berriztagarrietan erreferenteak diren 10 erakundek osatzen dute: Gamesa Electric, Madrilgo Unibertsitate Autonomoa, Centre National de la Recherche Scientifique, C-Tech Innovation Ltd, University of West Bohemia New Technologies – Research Centre, Pinflow energy storage, Uniresearch, Siemens Gamesa Innovation eta Themechhology Energewation. Era berean, HIGREEWk Europako Batzordearen Horizon 2020 Programaren 3,78M €-ko finantzaketa du, 2019ko azarotik 2023ko otsailera bitartean gauzatzeko.

Pilsenen egindako jardunaldiari esker, redox-fluxu bateriei, energiaren biltegiratzeari eta energia-trantsizioan duten zeregin erabakigarriari buruzko informazioa eskuratu ahal izan da, eta arreta berezia jarri da elektrolito organikoetan. Era berean, bateria mota horien alderdi teknikoez eta gas naturaleko hidrogenoarekin edo Li-Ion teknologiarekin alderatzeaz ere hitz egin da.