Elkarrizketa: Maialen Cajaraville. IETEAM CONSULTORESeko bazkidea eta Estrategia Arloko zuzendaria

Oraintxe jaso berri du 2019ko Deia Sarien Produktu eta Zerbitzuen Berrikuntzagatiko ETErik onenaren saria. Gazte gipuzkoar hau, urte batzuetan, erreferentziazko kontsultari bilakatu da. Maialen Cajaravillerekin hitz egin dugu, negozio-unitateetako baten zuzendariarekin, eta zuzenean hitz egin digu nola lortu duten honaino iristea eta zer erronka dute etorkizunean

Enpresaren jarduera…

Pertsonak garatzen ditugu; erakundeak eraldatzen ditugu. 5 arlotan lan egiten dugu. Lehenengoa Nazioartekotzea da; enpresei atzerriko eragiketak optimizatzen laguntzen diegu, beren salmentak hobetuz eta finkapenerako herrialdean beren lekua eginez. Bigarren arloa Estrategia da, eta haren helburua da enpresei beren etorkizuneko erronkak eta plan estrategikoak zehazten laguntzea eta haiek zabaltzen eta abian jartzen laguntzea. Hirugarrena pertsonen arloa da, eta behar den talenturik onena bilatzean oinarritzen da. Laugarren arloa gure azken apustua da, ieStart-en arloa; startupen inbertsioan dihardu. Bosgarren arlo batean ere badihardugu, Brasilen, lege-arloan; bertan, lege- eta zerga-laguntza ematen diegu bertan diharduten euskal enpresei.

Zer bereizgarri ditu?

Gure kontsultoretza desberdina da. Kontsultoretza berritzailea gara. Pertsonetan oinarrituta berritzen dugu, berengan sinesten dugu eta beraien bidez hazten gara. ieTeam erakundeak sistema berritzailea du pertsonen kudeaketari dagokionez. Kudeaketan parte hartzeko sistema bat dugu ezarrita; bertan, plantilla guztiak parte hartzen du Plan Estrategikoa zehazten eta urteko kudeaketa-planak zehazten. Halaber, urte-amaieran, enpresaren emaitzetan parte hartzen dugu, eta, iaztik, kapitalean ere langileen partaidetzapeko enpresa da.

Halaber, beste onura-mota batzuk eskaintzen ditugu eta, horrela, taldearen beharretara egokitzen gara; horretarako, ordutegi-malgutasuna, home office-a eta kontziliazioa, karrera- eta prestakuntza-planak eta gure egoitzetan nazioarteko lan-esperientziak izateko aukera eskaintzen ditugu. Baina, halaber, gure pertsonek laneko denbora motibatzen dituzten proiektu berrietan pentsatzera eta produktu eta zerbitzu berriak zehazteko berrikuntza-proiektuak garatzera bidera dezaten espazioak ere eskaintzen ditugu. Horren guztiaren ondorioz, oraintsu abiarazi ditugu berrikuntzetako bigatik jaso dugu 2019ko Produktu eta Zerbitzuen Berrikuntzagatiko Euskadiko ETErik onenaren saria.

Aitzindariak gara gure profesionalen ezaugarrietara egokitutako aukerak bilatzeko metodoan: iellow izeneko mugikorretarako aplikazio baten garapena; pertsonen inguruko adituen irizpideetan oinarritzen diren algoritmoak erabiliz, talentuaren zerbitzura gizartean dauden eta etengabe bilakatzen eta hazten ari diren enpresa eta erakundeen ahalegin diren lanbide-aukerak jartzen dituen proiektua. Bi beharrak parekatu eta batasun sendoak sortzen ditu hautagaiaren eta lan-aukeren artean.Beraz, prozesua optimizatzen laguntzen du, batasun horrek arrakasta izateko aukera gehiago egon dadin.

Gure apustu nagusietako beste bat ieStart arloa da, gure HUB berrian finkatua; espazio horretan, negozio-ideiak dituzten ekimen eta ekintzaileak sustatzen ditugu, eta beren eskura gure taldea, inbertitzaileak eta beren ideiak negozio bideragarri eraldatu arte transmititzeko, sendotzeko eta sustatzeko aukera ematen diguten mekanismoak jartzen ditugu. Gaur egun, besteak beste, Wura eta Vluber proiektuak sustatzen ari gara; Wura ingeniaritza bat da, eta kirol-errendimendua optimizatzeko gailuak garatzen ditu, eta Vluber food deliveryko plataforma bat da, eta bakoitzaren gustuetan, intolerantzietan eta beharretan oinarrituta pertsonalizatzen du. Bi proiektu horiek adimen artifiziala dute oinarri.

Gizarteari egin nahi dizkiozuen ekarpenak…

  1. Gure lurraldearen garapen ekonomikoa eta lehiakorra bultzatzen dugu. Profesionalen lan-aukerak hobetzen laguntzen dugu, bai eta enpresen lehiakortasuna hobetzen ere, haien bideragarritasuna areagotu eta lanpostu gehiago sortzeko.
  2. Zabalkunde- eta prestakuntza-lanak egiten ditugu. Beren beharrak gurekin partekatzen dituzten enpresekin gaude harremanetan, baita hezkuntza-sistemarekin ere, nagusiki prestakuntza-zentro eta unibertsitateekin, zentro teknologikoekin, betiere merkatuen errealitatearen argazkia lortzeko. Beraz, gure lana da mehatxuak aurreikustea eta gizarte gisa aurrez aurre ditugun aukerak berrestea.
  3. Gure lurraldearen izena nazioarte-mailara zabaltzen dugu. Frantzian, Kolonbian eta Brasilen ditugu egoitzak, eta munduko 13 herrialde baino gehiagotan garatzen ditugu proiektuak.

Eta Euskadiko Parkeen Sareari dagokionez, zer ekarpen egiten diozue?

Gure ezagutza, esperientzia eta know how-a pertsonen garapenarekin eta enpresen lehiakortasunaren hobekuntzarekin lotuta dauden proiektuetan. Lotura-sare handia ematen diogu, enpresa-garapenerako bide ematen duena, eta enpresa guztien zerbitzura gure nazio- eta nazioarte-mailako taldea jartzen dugu; bulegoak ditugu Bizkaiko Teknologia Parkean eta Gipuzkoan, eta 13 herrialdetan gaude presente.

Munduan zehar hedatutako enpresa batek hau eduki behar du:

Sarrera argia izateko estrategia. Xede duen merkaturako produktu bereizgarririk duen argi izan behar du eta produktua/zerbitzua merkatura eta haren beharretara egokitzen ote den aztertu.

KPI argiak zehaztu behar ditu, proposatutako helburuak lortzen ari diren aztertzeko, eta, lortu ezean, nazioartekotzeko estrategia egokitzeko ekintzak zehaztu.

Sarrera-kanala aztertu behar da eta egitura nagusia eman, helmugan edozein ustekaberi aurre egiteko, bai eta merkatua garatu eta edozein ustekaberen aurrean erantzungo duen talde kualifikatua ere.

Oso lagungarria da helmugan herrialdea eta haren berezitasunak ulertuko dituen tokiko euskarria edo laguntza izatea, herrialde bakoitzeko egoera aztertu ahal izateko (Pestel), bezeroen profila argi izateko, player garrantzitsuenak eta bezeroen zerrendak identifikatzeko eta haien interesa egiaztatzeko, eta, azkenik, argi izan behar dute beren gaitasun bereko zer beste enpresarekin egingo duten topo eta aztertu zein den beren estrategia.

Ez, ordea:

Ez du pentsatu behar hemen arrakasta izateagatik arrakasta izango duenik edozein herrialdetan; izan ere, herrialde bakoitza mundu bat da… Guk geuk ere Bizkaia eta Gipuzkoa artean desberdintasunak aurkitzen ditugu; beraz, imajinatu beste herrialde batzuekin, beste kultura batekin eta negozioak egiteko beste modu batekin…

Beti joan behar da kontuz; izan ere, nazioartekotzeak batzuetan itzulera du eta beste batzuetan ez, baina beti inbertsioa dela argi izanik.

Haren filosofiagatik gustuko duzun enpresa…

Berrikuntza etengabe sustatzen duen enpresa, Salto Systems bezala, produktu berriak garatu, negozio-nitxo berriak bilatu eta zenbait herrialdetan presentzia duena. 10 urte baino gutxiagoan sarrera-kontrolaren sektorean munduko bost enpresa garrantzitsuenetako bat bilakatu den enpresa. Enpresa gaztea, teknologikoa, pertsonen eta gizarte-erantzukizun korporatiboaren aldeko apustu irmoa egiten duena.

Talentuak hauxe dakar berarekin…

Jarrera egokia, pertseberantzia, ilusioa eta umiltasuna.

Non bilatzen dituzu enpresarako behar dituzun talentuak?

Talentuaren bilaketa enpresok gaur ditugun erronketako bat da. Aurrez aurre duguna eta izango duguna aintzat hartuta eta gaur egun dugun egoera demografikoarekin, profesional teknikoen falta dago eta falta hori gero eta nabarmenagoa da. ieTeam-en etengabe ari gara gure enpresarentzat interesgarriak izan daitezkeen profilak identifikatzen. Aurretik esan dudanez, kontsultoretza desberdina gara; gure balioak egiten dugun guztiaren bidez transmititzen saiatzen gara, eta pertsona askok idazten digute gure taldean parte hartzeko interesa dutela esaten. Feelinga oso balio garrantzitsua da guretzat, eta ekitaldi batean edo unibertsitate batean edo Linkedinen bidez profil interesgarriak aurki ditzakegu, baina hurbiltasuna eta tratu pertsonala beti dira funtsezkoak guretzat.

Nire laneko mahaian edo bulegoan, beti dut…

ieTeamen funtzio anitzeko espazioak ditugu; beraz, ez dugu lanpostu finkorik, eta bulegoan diseinatutako espazioetatik mugitzen gara, baina nirekin beti daramatzat boligrafo bat eta post-it batzuk, bururatzen zaizkidan ideia guztiak jasotzeko, ez dira gutxi eta!