Euskadiko ikastetxeetako Batxilergoko 1. mailako 1.000 ikasle inguruk Euskadiko Parke Teknologikoko campusak “hartuko” dituzte martxoaren 12an, enpresekin batera profil berrietara egokitutako curriculumaren garapenean aurrera egiteko
EAEko batxilergoko 1. mailako 20 ikastetxetako gazteak ekimenean parte hartzen duten 34 enpresa teknologikoetara egokitutako benetako CVa sortzeko erronkaren inguruan aritu dira lanean azken asteetan. Martxoaren 12an jakinaraziko dira erronkaren proposamen irabazleak.
Eusko Jaurlaritzako Hezkuntza Sailaren eta Innobasqueren STEAM Euskadi zigiluarekin aintzatetsitako LH/Parke ekimenak bederatzigarren edizioa beteko du aurten, enpresa teknologikoen eta batxilergoko ikasleen artean zubiak eraikitzen jarraitzeko helburuarekin.
Euskadiko Parke Teknologikoak LH/Parke ekimenaren bederatzigarren edizioa hartuko du datorren asteartean, martxoaren 12an. Bertan, Euskadiko Lanbide Heziketako ikastetxeen bi elkarte nagusiekin, HETELekin eta Ikaslanekin, aritu da elkarlanean. Euskadiko 20 ikastetxetako 1.000 ikasle inguru bilduko dira Zamudio/Derio, Donostia eta Vitoia-Gasteiz Campusetan, enpresa teknologikoen errealitatea ezagutzeko eta bi kolektiboen arteko harreman zuzena sustatzeko.
Jardunaldiaren lehen partean, bokazio zientifiko-teknologikoei eta LH enpresa teknologikoekin konektatzearen garrantziari buruzko hitzaldiak eta esperientziak izango dira protagonista. Lehen saio horretan, ikastetxeei planteatutako “erronkaren” proposamen irabazlea ere ezagutaraziko da. Aurten ekimenean parte hartzen duten eta Parkean ezarrita dauden 34 enpresetako baten benetako beharretara egokitutako Curriculum Vitae bat egin behar zuten.
Aurreko asteetan, parte hartu duten enpresetako baten beharrak aztertu dituen berariazko unitate didaktiko bat lantzen aritu dira ikasleak ikastetxe bakoitzean, euren CV proposamena egiteko.
Bigarren parteak, ikasleek CVaren erronka landu duten enpresa bakoitza bisitatuko dute, konpainiaren errealitatea eta proposamenen irismena bertatik bertara ezagutzeko xedez.
Enpresa eta ikastetxe hauek hartzen dute parte:
| BIZKAIA | GIPUZKOA | ARABA | |||
| ENPRESAK | IKASTETXEAK | ENPRESAK | IKASTETXEAK | ENPRESAK | IKASTETXEAK |
| CFAA–CENTRO FABRICACIÓN AVANZADA AERONAÚTICA | San Luis Ikastetxea | IBERMATICA | Nazaret Zentroa | AEG POWER SOLUTIONS IBERICA | Urkide |
| CONSORCIO ESS BILBAO | Calasancio Ikastetxea | EITB MEDIA | Ugle | AJL OPHTHALMICS | Corazonistas |
| VODAFONE ESPAÑA, S.A. – 2022 | San Viator | TECNALIA | La Salle Berrozpe | LEK INGENIERIA Y SERVICIOS | Egibide |
| INGETEAM, S.A. | Somorrostro | VIRALGEN | Lizardi BHI | OPTIMUS 3D | Zaraobe |
| ITELAZPI, S.A. | Txorierri | CIDETEC | Talaiai BHI | AVS NEXT | |
| SISTEPLANT, S.A. | Ies Juan Antonio Zunzunegui Bhi | VIVEBIO | Antigua Luberri BHI | BASQUEVOLT | |
| IBERMÁTICA, S.A | Txorierri Institutua | TSS-SPYRO | Zubiri Manteo BHI | BIC ARABA | |
| ZIV APLICACIONES Y TECNOLOGÍA, S.L. | Ies Zorrotza Bhi | GEMINYS | CTL PACK (TUBOPLAST) | ||
| BIOLAN MICROBIOSENSORES, S.L. | Ies Axular B Bhi | CIC BIOMAGUNE | GUASCOR | ||
| TECNALIA RESEARCH & INNOVATION | BCBL | DORLET | |||
| SPC | |||||
| TECNALIA RESEARCH & INNOVATION | |||||
| ALESTIS AEROSPACE | |||||
LH/Parke ekimena
LH/Parke, Lanbide Heziketako Ikaslan eta HETEL elkarteek eta Euskadiko Teknologia Parkeak antolatutako ekimena da, eta Lanbide Heziketaren ikuspegitik ikasleen artean lanbide zientifiko-teknologikoekiko interesa piztea du helburu. Horretarako, Batxilergoko lehen mailako gazteei zuzendutako jardueren ibilbide bat antolatzen da.
Orain arte 6.300 ikasle baino gehiagoren parte hartzea izan duen programa honen 9. Edizioa 2024an ari da gauzatzen. Aurtengo edizioan 980 ikaslek (420 Bizkaikoak, 350 Gipuzkoakoak eta 210 Arabakoak), 20 ikastetxek eta Euskadiko Parke Teknologikoko 34 enpresak hartu dute parte.
LH/Parke ekimenak, bokazio zientifiko-teknologikoen esparruan bikaintasun-jardunbideak aintzatesteko Eusko Jaurlaritzako Hezkuntza Sailak eta Innobasquek antolatutako STEAM Euskadi Sarien bigarren edizioan lortutako STEAM Euskadi zigilua du. Bigarren edizio hartan finalista izan zen.
