Psikonutrizio jardunaldia: ulertu janariarekin duzun harremana
“Enpresa Osasungarria” proiektuaren esparruan, BEParke Klubak jarraibideak ezagutzeko eta tresna errazak eskuratzeko aukera berria emango dizu, janariarekin erlazionatzeko moduari buelta bat emateko eta harremana beti positiboa eta gogobetegarria izan dadin lortzeko.
Sarritan, laneko estresak eta inguruabar pertsonalek jateko modu desegokira eramaten gaituzte, eta, ondorioz, gure osasunerako kaltegarriak diren ohiturak sortzera. Donostia Campusean eta Zamudio/Derio Campusean egin genituenekin bat egiten duen jardunaldi hibrido honen bidez agertoki hori modu praktikoan eta errazean alda daiteke.
Jardunaldia Toscana Viar, Farmazialari, Nutrizionista-Coachak emango du. Kirol-nutrizioko espezialista ere bada Nazioarteko Batzorde Olinpikotik eta Athletic Clubeko eta duela gutxi Munduko Futbol Txapelketa lortu duen Espainiako Futbol Selekzioko nutrizio-taldeko kide da. The Health Companyren sortzaile eta CEOa da, eta bizitza osasungarrirako grina pertsonen egunerokoa aldatzeko gai den faktore indartsu bihurtzea lortu du.
Jardunaldia estresak, emozioek eta pentsamenduek gure jateko moduan duten eraginari buruzko saio praktiko gisa planteatzen da. Horrela, elikadura emozionala kudeatzeko tresna errazak aurkeztuko dira, elikadurarekin harreman osasungarriagoa eraikitzeko eta janariari lotutako errua murrizteko.
Jardunaldira bertaratzen direnek catering osasungarri batekin amaituko dute ekitaldia.
Formatu hibridoa: aurrez aurrekoa Araban, Vitoria Campuseko eraikin nagusia eta online Gipuzkoan eta Bizkaian.
Toscana Viar, farmazialaria, kirol nutrizionista eta Espainiako Futbol Selekzio Nazionaleko Nutrizio Saileko burua.
*Athletic Clubeko nutrizionista 18 urtez (2026ko uztailera arte).
