PARKEA MUSIK FEST ARABAKO PARKE TEKNOLOGIKORA IRITSI DA

Hitzordua ekainaren 30ean, osteguna, izango da, 16: 00etatik aurrera, Arabako Parke Teknologikoaren Eraikin Nagusian, sarrera doan

Artistak Euskadiko Parke Teknologikoen Sareko enpresetako profesionalak dira

Parkea Musik Fest datorren ostegunean, ekainaren 30ean, lurreratuko da Arabako Parke Teknologikoan. Duela sei urte jaiotako musika jaialdia, Euskadiko Parke Teknologikoen Sareak urtero abiarazten duen lehiaketa irabazi zuen ekimena dela eta, itzuli egin da pandemiak eragindako geldialdiaren ondoren eta aurten laugarren edizioa ospatzen du. Hitzordua 16: 00etan hasiko da, Arabako Parke Teknologikoaren Eraikin Nagusian.

Euskadiko Parke Teknologikoen Sareak Araban antolatu du lehen aldiz ekimen hau, eta bertan parte hartzen duten artistak Euskadiko Parke Teknologikoen Sareko enpresetako profesionalak dira.

Jaialdia, sarrera librearekin, Carlos Tego (indie-rock) taldearen kontzertuarekin hasiko da, 16: 45ean Blue Painters (rock) arituko da, 17: 30ean El Cantar del MiuCIC (pop-rock) taldearen txanda izango da, Bilongo Latin Trio (latin) taldeak 18: 15ean joko du, eta 18: 45etik aurrera DJ Session batekin amaituko da. Carlos Tegok KREAN-en egiten du lan, Blue Painters taldeko kideak TECNALIAkoak dira, El cantar del MiuCIC taldea CIC enrgiGUNEko langileek osatzen dute eta Bilongo Latin Trío Grupo RETAbet en lan profesionala egiten duten artistak dira.

Jaialdiaren jarduerak 13: 30etan hasiko dira kafetegiaren gunean, DJ saioarekin, janari eta edari postuekin eta jaialdi eta bonu gastronomiko eta kiroletarako sarreren zozketarekin Parke Sareko enpresen artean.

Parkea Musik Fest jaialdiak jarraipena izango du urriaren 6an, Bizkaiko Parke Zientifiko eta Teknologikoan egingo den jaialdiarekin. Edizio honetako azken hitzordua urriaren 13an izango da, Gipuzkoako Zientzia eta Teknologia Parkean.