Robotikari buruzko jardunaldi didaktikoa, bihar Eureka! Zientzia Museoan Tekniker-IK4ren eskutik

• Jardunaldia Europako Robotikaren Astearen barruan egingo da. Europako Robotikaren Astea, urtero egiten dena, aste honetan da.
• Adituek azalduko dute automatek nola hautematen duten mundua eta nola hartzen dituzten erabakiak.

Munduko haur guztiek dakiten bezala, makina baten funtzionatzeko moduari buruzko jakin-mina asetzeko, onena makina desmuntatzea da. Eta roboten kasuan, urrunetik gidatu gabe mugitzeko gai nola diren jakiteko edo galdera zuzenentzako erantzunak nola dituzten jakiteko, modurik onena da ezagutzea argi-sentsoreak, barruan duten soinua edo tenperatura, nabigatzeko behar duten matematika edo funtzionamendu optimorako behar dituzten diseinu-irtenbideak.

Hori dela eta, dagoeneko errealitate diren irtenbide robotikoak etorkizuneko ingeniariei, matematikariei eta garatzaileei gerturatzeko, IK4-TEKNIKER zentro teknologikoak, Donostiako Eureka! Zientzia Museoarekin lankidetzan, “kTBot, Mundua Robotaren Ikuspegitik: Robotikako Azken Aurrerapenak Gerturatuz” izeneko jardunaldi didaktikoa antolatu du Batxilergoko edo Lanbide Heziketako ikasleentzat. Jardunaldia azaroaren 29an egingo da bi saiotan, bata euskaraz eta bestea gaztelaniaz.

Jardunaldia zentro teknologikoak bere robotikako azken proiektuan, kTBot-en, erabili dituen teknologia robotikoaren alderdirik berritzaileei buruzkoa da. Robot horrek — Kutxa Gizarte Ekintzak finantzatua— Eureka!ko bisitarien gidari-lanak egiten ditu, galderak erantzuteaz gain, lagun egiteaz gain eta aretoak taldeei azaltzeaz gain.

Jardunaldi hori Europako Robotikaren Astean egingo da. IK4-TEKNIKERek —alor honetako ikerketan erreferentzia— Europako Robotikaren Astea koordinatzen du Espainian, eta azaroaren 25etik abenduaren 1era bitartean egingo da kontinente osoan.

Modu autonomoan nabigatzeko aukera eman diote ikertzaileek kTBot robotari. Hau da, ibilbideak planifikatzeko eta gauzatzeko, oztopoak saihesteko eta inguruan dituen pertsonak detektatzeko aukera. Hori dela eta, jardunaldian, robotikari eta gaur egungo joerei buruzko sarrera orokor bat egiteaz gain, azalduko dute IK4-TEKNIKEReko adituek automatak mundua nola hautematen duen, zer mekanismok ahalbidetzen duten erabakiak modu autonomoan hartzea eta zein teknologiari esker den gai bereziki egokituta ez dauden eta etengabe aldatuz doazen inguruneetara integratzeko.

Zentro teknologiko ikertzaileek robotak nabigatzeko dituen arazoak konpontzeko jarraibideak eta erronka horiek gainditzen laguntzen duten tresna matematikoak ere eskainiko dituzte. Hitzaldian, hizkuntza bakoitzean ordu eta erdikoa, erakustaldi bat egingo da, eta azalpen-bideo batzuk emango dira.

Europako Robotikaren Astea 2011n sortu zen Europako robotikaren industriak arlo horretako ikerketak eta garapenak eta hurrengo urteetan gizarteari eskainiko dizkion irtenbide eta aukera ugariak publikoari gerturatzeko ekimen gisa. Helburu nagusia da adin guztietako ikasleak zientzia, teknologia, ingeniaritza eta matematikako ikasketak egitera bultzatzea eta herritarrei oro har robotikaren gero eta handiagoa den eraginaren berri ematea.

2011ko eta 2012ko arrakasta eta gero —30.000 pertsonak baino gehiagok parte hartu zuten robotikarekin lotutako 200 jardueretan baino gehiagotan—, aurten, Europako Robotikaren Astean 270 jarduera egingo dira Europako 21 herrialdetan. Enpresek, zentro teknologikoek eta unibertsitateek hainbat jarduera eskainiko dituzte, hala nola bisitaldiak laborategietara, robot-erakusketak eta -erakustaldiak Europa osoko kale eta plazetan.

Gainera, Espainiako hezkuntza-komunitateak gai jakin batzuei buruzko lehiaketak, mintegiak eta hitzaldiak antolatuko ditu urtebetez hurrengo urteko azarora arte. Horretarako sortu den web-orri batean jasoko dira jarduera horiek guztiak.