Arabako Teknologia Parkeak elikagaiak eskainiko dizkio CAYPE eta LOS MADRUGADORESek Arabako Elikagai Bankuarekin elkarlanean antolatutako “Solidario bai ala bai” kanpainari
Maiatzaren 27an, Alaves taldeak Bartzelonaren aurka Erregearen Kopako finala Vicente Calderón estadioan jokatuko duela-eta, kanpaina hau jarri da abian eta helburu argia du: ahalik eta elikagai gehien lortzea eta ondoren, horiek Arabako Elikagai Bankuari ematea. Cype-ren egoitzara (Harrobi kalea 25-31, Betoño industrialdea) joan eta ekarpenak egiten dituztenek goma-aparrezko sudur gorri bat jasoko dute Alaves taldea animatzeko eta finalaren egunean, “sudur solidarioen” topaketak antolatuko dira Madrilen eta Gasteizen.
Arabako Teknologia Parkeak ez du elikagai-bankuari ekarpena egiteko aukera galdu nahi Arabako gizartearekiko dugun konpromisoaren harira eta bertako enpresa guztiak ekimenarekin bat egitera gonbidatzen ditugu. Parte hartu nahi duten enpresek alava@parke.eus helbidera idatzita jarri behar dute Parkearekin harremanetan eta elikagaiak biltzeko leku bat jarriko zaie lantokian.