Cyber Surgery, Gipuzkoako Enpresa Berriaren ADEGI Saria 2026
Gipuzkoan sortutako enpresa gazteen ibilbidea, hazkunde‑potentziala eta lurraldeko enpresa‑ekosistemari egiten dioten ekarpena balioan jartzen dituen saria.
Donostian sortua, Cyber Surgeryk jarduera‑esparru oso zorrotz batean lan egiten du, non ingeniaritza aurreratua, ezagutza klinikoa, berrikuntza medikoa eta industria elkartzen diren. Testuinguru horretan, ALAYA garatu du, bizkarrezurreko ebakuntzetarako gure laguntzaile robotikoa; teknologia hori prozesu kirurgikoan integratzeko diseinatuta dago, eta zehaztasuna, berrikuntza eta moldagarritasuna ematen ditu ebakuntza‑gelan.
Jorge Presa, Cyber Surgeryko CEOaren hitzetan, “Sari hau, batez ere, Cyber Surgeryko talde osoaren lanaren aitortza da. Aurrerapauso bakoitzaren atzean profil askotariko pertsonak daude —ingeniaritza, softwarea, robotika, araudia, kalitatea, produktua, arlo klinikoa, eragiketak eta negozio‑garapena— eta guztiek ikuspegi bera partekatzen dute: kirurgiaren etorkizunari ekarpena egitea, Euskaditik garatutako teknologiarekin eta nazioarteko bokazioarekin.”
Gipuzkoako Enpresa Berriaren ADEGI 2026 Saria Cyber Surgeryrentzat une garrantzitsu batean iritsi da; proiektuaren finkapena, merkatu‑aukera berrien irekiera, nazioarteko ibilbide orri erregulatiboan egindako aurrerapenak eta MedTech ekosisteman duen presentziaren sendotzea nabarmentzen dira. Hurrengo erronken artean, konpainiak aurrera jarraitzen du AEBetako merkatuan sartzeko helburuz, FDAren eskakizunekin bat etorriz. Era berean, aitortza honek konpainiaren bilakaeraren eta potentzialaren ikusgarritasuna indartzen laguntzen du.
Saritik harago, mugarri honek agerian uzten du lurraldeak balio erantsi handiko enpresa teknologikoak sustatzeko duen gaitasuna, hala nola teknologia medikoaren eta kirurgia robotikoaren esparru espezializatuetan. Cyber Surgery PARKE ekosistemaren parte da; bertan, industria, talentua, ezagutza klinikoa eta berrikuntza elkarrekin eta modu koordinatuan aurreratzen dira, nazioarteko eragina duten irtenbideak garatzeko.
