Donostiako campusak “Parkea Musik Fest” hartuko du ostegun honetan Parke Teknologikoetako enpresetako profesionalez osatutako hiru taldearen emanaldiekin

Ekitaldia edonorentzat irekia eta librea izango da, eta Gipuzkoako Zientzia eta Teknologia Parkeko Eraikin Nagusian egingo da, 17:00etatik aurrera

“Parkea Musik Fest” edizio hau girotuko duten hiru taldeak Euskadiko Parke Teknologikoen Sareko enpresetan lan egiten duten pertsonek osatzen dituzte, eta eszenatokian beren talentu musikala erakutsiko dute

Datorren ostegunean, urriak 13, Gipuzkoako Zientzia eta Teknologia Parkean “Parkea Musik Fest”  ekimenaren beste edizio bat egingo da. Ekimena Euskadiko Parke Teknologikoen Sareak sustatu du, langileen talentu sortzailea ezagutarazteko eta lan-eremua esperientzia sozial eta kulturaletara irekitako bizi-ekosistema bihurtzeko.

Ekitaldia Gipuzkoako Zientzia eta Teknologia Parkeko Eraikin Nagusian egingo da. 17:00etan happy hour-a eta lehenengo kontzertua hasiko dira eta ondoren gainerako taldeek joko dute, rock eta indie rock estilokoak. Saioa: “Grezians” taldearekin (17:00) hasiko da, ondoren, “Igara Roosters” (17:45) eta, azkenik, “Carlos Tego” (18:15) arituko dira. Taldeetako kide batzuk CEIT eta KREAN Gipuzkoako Zientzia eta Teknologia Parkeko enpresetan ari dira lanean

Ekitaldia Jon Gómez Garaik aurkeztu eta dinamizatuko du, eta bertaratzen direnentzako janari- eta edari-postu bat egongo da, “happy hour”-arekin 17:00etatik 18:00etara. Horrez gain, amaierako DJ saioa, kultur eta kirol ekitaldietarako sarreren zozketak eta Parkeetako langileentzako bonu gastronomikoak egongo dira.

Parkea Musik Fest duela sei urte martxan jarritako “Parkerako Erronka bat” programatik sortutako ekimena da. Aurten inoiz baino indar handiagoz berreskuratu da, eta lehen aldiz jaialdiak ospatu dira Gasteizko campusean ekainaren 30ean, Zamudio-Derioko campusean urriaren 6an eta ostegun honetan Donostiako campusean 2022. edizioa urriaren 20an amaituko da Leioako Campusean.

VITORIA-GASTEIZKO CAMPUSA

Parke Sareak lehen aldiz antolatu zuen jaialdia campus honetan, eta 200 pertsona inguru bertaratu ziren. Bertan, Carlos Tego, Blue Painters, El Cantar del MiuCIC eta Bilongo Latin Trio taldeen emanaldiez gozatu ahal izan zen. Talde horietako kideak KREAN, TECNALIA, CIC energiGUNE eta RETAbet Parke Sareko enpresetako langileak dira.

ZAMUDIO-DERIOKO CAMPUSA

Pandemiak eragindako geldialdiaren ondoren, Musik Fest Parkeak eta enpresetako langileek dena eman zuten campus honetan egingo den bigarren edizioan. Ingeteam, Ligth & Systems eta Ibermática enpresetako langileek osatutako talde batekin rock benetakoenaz gozatu ahal izan zen Old Skull, Rojo NIeve, Red Night Man eta Red Crocodile taldeen eskutik.