EIKENen Batzarrak indartu egingo du ikus-entzunezkoa nazioartekotzearen eta klusterraren egitekoaren aldeko apustua erronkaren dinamizatzaile eraginkor gisa

• BTEKen, Zamudioko Teknologia Parkeko Teknologiaren Interpretazio Zentroan, eta Eusko Jaurlaritzako Industria sailburuordea buru zela.

Batzar Nagusiaren esparruan, Eikenen enpresa bazkideek Klusterrak abian jarritako Nazioartekotze Plana bermatu zuten eta konpromisoa hartu zuten lan ildo hori finkatzeko azken hilabeteetan martxan jarritako ekintzen ebaluazio positiboa ikusita.

Hori adierazi zen Bazkideen Batzar Nagusiaren ondoren egin zen ekitaldi publikoan. Ekitaldi horren buru izan zen Eusko Jaurlaritzako Industria sailburuordea, Juan Ignacio Garcia de Motiloa, eta hainbat enpresa eta gonbidatu egon ziren, digitalizazioarekin eta sektoreko New Mediarekin estuki lotutako ingurune aurreratu batean, hain zuzen, Teknologiaren Interpretazio Zentroan, BTEKen. Zentroaren egoitza, hain justu ere, Zamudioko Teknologia Parkeko eraikin berezienetako batean dago.

Juan Mari Gurrutxaga Eikeneko buruak aurkeztu zuen Urteko Txostena, eta, gainera, jardunaldian Andoni Aranburu EiTBko Estrategia eta Komunikazio Arloko zuzendariak parte hartu zuen. Azken horrek jakinarazi zituen erakundea lantzen ari den estrategia ildoak, Euskal Telebista Publikoaren Estrategia Plan berria egitearen baitan.

Testuinguru ekonomiko konplexu orokorraren baitan enpresek duten egoera zaila aipatu zuten hizlari guztiek. Horrekin batera, ordea, eta Eikeneko buruak nabarmendu zuen moduan, “munduan hazkunde aurreikuspen handienak dituen sektorean aukerak ere badaude eta aukera horiek aprobetxatzen ahalegindu behar gara”.

Gurrutxagak adierazi zuen Klusterrak hainbat ekintza bultzatu dituela beste merkaturatze bide batzuk ireki ahal izateko; hala nola Holanda eta Israelgo merkataritza misioak, bi sektoretako enpresekin lankidetzan aritzeko harremanen sare bat sortzea edo nazioarteko merkatuetan saltzeko programa pilotuen ekoizpena sustatzen duen Innova Basque Audiovisual ekimena.  “Eikenek enpresak eramatea lortu du, baita batzuetan nolabaiteko fedegabetasuna gaindituz ere, eta erakutsi du ireki daitezkeela sektorean bideak hasieran gure irismenetik kanpo zeudela ematen zutenak”. Gurrutxagak esaldi adierazgarri batekin laburbildu zituen bere hitzaldiko argumentuak: “Zailtasunen aurrean, zenbat eta kluster gehiago, orduan eta hobeto”.

Bestalde, Andoni Aranburuk nabarmendu zuen gaur egungo egoera, hain zuzen, Euskal Telebista Publikoa ibili behar dena eta aurrekontua etengabe murrizteak markatuta dagoena. Zehazki, aipatu zuen EiTBk 55 milioi euroko murrizketak izan dituela 2009 eta 2013 artean, eta, ondorioz, EiTBk “ziklo bat amaitu” duela azaldu zuen.

Nolanahi ere, Estrategia eta Komunikazio Arloko zuzendariak argi utzi zuen EiTBk ulertzen duela bere eginkizuna euskal ikus-entzunezko sektorearen zati gisa eta Eikeneko kide aktibo gisa. Gainera, adierazi zuen erronkei “gu” ikuspuntutik aurre egingo zaiela, lankidetzatik gainditzeko sektorean zuzenean eragiten duen aurrekontu murrizketa zorrotz hori. Aranbururen hitzetan, “Sektorean plural bat jarri behar dugu, ‘gu’ bat eraiki eta ‘guk’, guztiok, hau gaindituko dugula esan ahal izan”. Halaber, EiTBko Estrategia Arloko zuzendariak iragarri zuen ETB1 katearen aldeko apustu berri bat egingo dela; izan ere, euskarazko telebista eskaintza da “taldearen bihotza”.

Azkenik, Juan Ignacio García de Motiloak aurkeztu zion sektoreari Eusko Jaurlaritzaren konpromisoa atzerrian aukera berriak eta finantzazio mekanismoak bilatzea babesteko eta horretan laguntzeko, klusterrarekin zuzenean lan eginez. Zehazki, Industria sailburuordeak enpresen eskura jarri zuen Eusko Jaurlaritzak atzerrian dituen bulegoen lana, eta arreta berezia eskaini zien arku atlantikoan (AEB, Latinoamerika) eta Asian daudenei eta Alemanian irekiko denari.

Eikenen Batzar Nagusian sektoreko 40 profesionalek baino gehiagok parte hartu zuten, baita euskal administrazio publiko nagusietako hainbat ordezkarik ere. Batzarra amaitzeko, BTEK eraikinera bisita gidatua egin zen haren zuzendariaren, Xabier Diazen, eskutik.