JMIUP hiru planetan egituratzen da:

• Irisgarritasun Plana: EPTSaren inguruneko eta haiek finkatzen diren lurraldeko ingurumena hobetzen lagunduko du. Halaber, herritarren eta langileen segurtasunaren eta osasunaren alde lan egingo da, eta ekonomiaren eraginkortasun hobea lortzen lagunduko da, espazioaren, energiaren eta natura-baliabideen erabilera arrazoizkoagoa egingo delako.
• Mugikortasun Plana: mugikortasun jasangarriko politika eta estrategiak jasoko ditu. Ohiko joan-etorriak optimizatuko dira eta, horretarako, mugikortasun eraginkorra eta segurua izateko bide emango da; ingurumenean eta paisaian ahalik eta inpaktu txikiena eragingo da. Besteak beste, intermodalitatea eta garraio publikoaren eta pribatuaren erabilera sustatuko dira.
• Irisgarritasun Unibertsalerako Plana: horren bidez, pertsona guztiek, ahalik eta modurik libreenean eta autonomoenean, parkeetako ingurune fisikoetara sartzeko eta haietako sarbide edo erabilera publikoko produktu eta zerbitzuetarako aukera izateko eskubidea baliatu ahal izatea lortu nahi da. Helburua izango da, zeharka, diziplina anitzean eta sektore anitzean oinarrituta, EPTSaren eremu guztietara heltzea.

Aldaketan parte hartu nahi duzu?

JMIUParen garapenak parte-hartze modernoaren eta aktiboaren ereduaren aldeko apustua egin du, ikusgaitasuna emango diena Parkeak eratzen dituzten enpresek proposatutako irizpide eta irtenbideei, haietan lan egiten duten pertsonei, udal-ordezkariei eta interesa duten gizarte-erakunde edo -eragileei, besteak beste.

Plan honen helburua da datozen bost urteetarako lan-agenda bat zehaztea, iraunkortasunaren, mugikortasunaren eta irisgarritasun unibertsalaren arloan RPTEk kontuan hartu behar dituen gakoak identifikatu ahal izateko, eta, horrela, RPTEk funtsezko eragile erantzunkide gisa kokatzeko Euskadik jasangarritasunaren arloan dituen erronkei eman beharreko erantzunean. Erronka horiek, zalantzarik gabe, funtsezko zeregina izango dute lurralde jasangarriago, irisgarriago eta erresilienteago bat egituratzeko.

Informazio-, azterketa- eta diagnostiko-fasearen ondoren, Planaren helburuak eta ekintzak definitzen ari dira une honetan, eta datozen asteetan jakinaraziko dira kanal desberdinen bidez.

Harremanetarako eta iradokizunak: PSMAU@parke.eus