“Euskal Emakumeak Teknologian” erakusketa Donostiara iritsi da, zientzian eta teknologian emakumeen talentua ikusarazten jarraitzeko

Abantok eta Vitoria-Gasteiz Campusetan izan ondoren, “Euskal Emakumeak Teknologian” erakusketa ibiltaria Donostiara iritsi da, emakumeek zientzian eta teknologian duten paperari balioa ematen jarraitzeko. Itelazpi Eusko Jaurlaritzaren Telekomunikazio Sozietateak, Euskadiko Parke Teknologikoarekin lankidetzan, sustatutako ekimena da, eta Euskadin STEM esparruko aitzindariak, egungo profesionalak eta etorkizuneko erreferenteak ezagutzera ematea du helburu. Donostia Campusera iritsita, erakusketak bere eragina handitzen jarraitzen du, eta arlo zientifikoan eta teknikoan emakumeen presentzia gero eta garrantzitsuagoa dela erakusten du.

David Fernández Rementería artistak sortutako ilustrazioen bidez, erakusketak zientziaren eta teknologiaren hainbat arlotan arrastoa utzi duten hiru belaunaldiren historia aztertzen du: lehen ikertzaileetatik hasi, gaur egun proiektu berritzaileen buru diren profesionaletaraino eta sektorean gailentzen hasi diren emakume gazteengandik.

Bere ibilbidean, campus ezberdinetako ehunka ikasle eta profesionalek bisitatu dute erakusketa. Oraindik ez baduzu bisitatu, hura ezagutzera eta haren mezua partekatzera animatzen zaitugu. Izan ere, emakumeei zientzian eta teknologian ikusgarritasuna ematea da etorkizun askotarikoagoa, inklusiboagoa eta berritzaileagoa eraikitzeko lehen urratsa.