Doktorea naiz, eta orain zer? Akademian jarraitu nahi dut?
![](https://parke.eus/wp-content/uploads/2024/01/51887021588_bea64c79be_c.jpg)
Asmoa da beren karrera zientifikoa hasten ari diren (graduko, masterreko, doktoregoko ikasleak) edo hurrengo urratsak zalantzan jartzen dituzten ikertzaile gazteentzat inspirazio-iturri izatea. Jarduera antolatzeko, gonbidatu bakoitzak bere ibilbide zientifikoa aurkeztuko du labur-labur (5-10 min), eta, ondoren, galdera eta eztabaida sorta bat irekiko da bertaratutakoen artean, beren zalantzak galdetzeko eta beren ikuspegia azaltzeko. Gainera, saioaren amaieran speed networking jarduera bat egingo da, eta parte-hartzaileek labur hitz egiteko aukera izango dute (gehienez. 5 min) gonbidatutako edozein ikertzailerekin, galderak zehatzago azaltzeko.