“Innovación’13”, Enpresa Lehiakortasunerako Foroa

• Ekonomia eta Lehiakortasun Ministerioak sustatutako foroa urriaren 29an egingo da Madrilen, I+G+Ban diharduten enpresetako zuzendaritza-kide, ekintzaile eta eragileentzat.

Datorren urriaren 29an Innovación’13 egingo da, Ekonomia eta Lehiakortasun Ministerioak sustatutako topaketa sektoreanitza, bai enpresa-berrikuntza eta ekintzailetza bultzatzeko bai zientzia eta teknologiari probetxu handiagoa ateratzeko asmoz.

Innovación’13, enpresa-lehiakortasunerako laugarren foroa, Madrilen egingo da hilaren 29an helburu hauekin:

– Balio teknologiko erantsiko produktu nahiz zerbitzuak eskaintzen dituzten sektore eta merkatu espainiarren eta oinarri teknologikoko enpresen garapenari laguntzea.

– I+Gren emaitzak hobetzeko laguntza eskaintzea eta emaitzok nahiz teknologia berriak aprobetxatzea, enpresetan, erakundeetan eta gizarte espainiarrean, oro har, berrikuntza ezarriz.

– Berrikuntzaren kultura sustatzea, enpresa-lehiakortasunaren oinarri gisa.

– Espainiako zientzia eta teknologia bultzatzen laguntzea.

– Topaketarako foroa izatea.

Innovación’13 foroa honako hauei zuzenduta dago: enpresetako zuzendaritza-kide eta berrikuntza kudeatzeaz arduratzen direnentzat, bai eta unibertsitate, ikerketarako erakunde publiko, Ikerketa Emaitzak Eskualdatzeko Bulego (OTRI), zentro teknologiko, zientzia- eta teknologia-parke, administrazio publikoetako erakunde eta abarretan I+Gn edo teknologia eskualdatu eta aplikatzean jarduten diren ekintzaile eta arduradunentzat ere.