ITP Aero EBren Clean Aviation programaren “kide fundatzailea”

Programa aliantza publiko-pribatu batean oinarritzen da, eta, guztira, 4.100 milioi euroko inbertsioa du

Azken helburua da Europako abiazioak 2050ean berotegi-efektuko gasen zero emisio garbi eragitea

ITP Aero Europar Batasuneko “European Partnership for Clean Aviation” programaren –Clean Aviation izenez ere ezagutzen da– kide fundatzaile bilakatu da, sektore aeronautikoa deskarbonizatzeko. Programa aliantza publiko-pribatu batean oinarritzen da, eta helburu du ikerketa eta inpaktu handiko demostrazio baterako aurrerapen teknologikoak sustatzea, 1.700 milioi euroko finantzaketa publikoaren laguntzaz. Programako bazkide pribatuek, gainera, 2.400 milioi euroko ekarpena egingo diote ekimenari, lan-programa osagarrien eta Clean Aviation-en jardueren kofinantzaketaren bidez. Azken helburua da Europako abiazioak 2050ean berotegi-efektuko gasen zero emisio eragitea.

ITP Aerok, kide fundatzaile den aldetik, enpresa independente gisa parte hartuko du eragiketa eta jardueren orientazio estrategikoan eta haiek gauzatzen, bai eta Clean Aviationen erabaki-organoetan ere.

Clean Aviationek sektore aeronautikoa eraldatu nahi du eta, horretarako, zero emisioko eta emisio baxuko teknologia handiak garatu. Programak hura posible egingo duten hiru teknologia nagusi identifikatu ditu:

• Arkitektura hibrido eta elektrikoak; horretarako, motor elektriko hibridoen arkitektura berrien ikerketa eta haien integrazioa sustatuko dira, eta konfigurazio berrien demostraziorako heltze-teknologiak , aireko energiaren kontzeptuak eta aire-kontrola.
• Arkitektura aeronautiko ultraeraginkorrak, distantzia labur eta ertaineko beharrei erantzuteko, emisioak murrizten lagunduko duten gas-turbinen konfigurazio berritzaileen bidez. Ildo horretan, aipatzekoak dira ITP Aero Rolls-Royce-ren UltraFan® programan betetzen ari den mugarri teknologikoak. Motor aeronautikoko arkitektura berri horrek ingurumen-eraginkortasunaren eta -portaeraren estandar berri bat ezarriko du, eta, hala, erregaiaren kontsumoa % 25 murriztuko du, gaur egun zerbitzuan dagoen Trent motorren familiarekin alderatuta.
• Hidrogeno bidez propultsatutako hegazkinetarako teknologia disruptiboak. Aukera ematea hegazkinek eta motorrek hidrogenoaren potentziala erregai alternatibo gisa aprobetxatzeko.

Erlantz Cristóba ITP Aeroko zuzendari exekutiboak honako hau esan du: “ITP Aeron, gure helburua abiazioa industria gero eta jasangarriagoa izatea da. Hori dela eta, harro gaude Clean Aviationeko kide sortzaile izateagatik eta 2050erako berotegi-efektuko zero emisio garbi lortzeko azken helburua partekatzeagatik. Hori gure Plan Estrategikoaren funtsezko ekimenetako bat da, eta gure enpresaren helburua sustatuko du: “Sektore aeroespazialean aldaketa bultzatzeko teknologia garatzea, mugikortasun jasangarriago baterantz “, eta aurreko beste konpromiso batzuetan oinarritzen da, hala nola EU Clean Sky 2-n egiten dugun lanean edo NBEren Race to Zero-rekin dugun konpromisoan”.