- Nor Gara
- Etor zaitez Euskadiko Teknologia Parkera
- Zerbitzuak
- Enpresak
- Prentsa Eremua
- Kontratatzailearen profila
- EU Next Generation
- BEM
Enpresentzako Zerbitzu Espezializatuak marka propioen bidez gauzatzen dira. Marka horiek enpresa-proiektuen beharrei erantzuten diete, Negozio-ekosistema eraginkorraren eta efizientearen barruan.
Topaguneak sortuz, Parke enpresei inguruko beste enpresa eta eragile batzuekin negozioa garatzeko harremanak izaten laguntzen dieten zerbitzuak. Harreman pertsonalizatuak identifikatzea, Parkeetako enpresa berrietara sarbide pertsonalizatua izatea, sektore eta jarduera oso zehatzekin zerikusia duten Parkeetako enpresekin topaketak sustatzea, sektore eta jarduera espezifikoekin zerikusia duten nazioko eta nazioarteko beste ingurune batzuetako enpresekin topaketak erraztea, eta nazioko eta nazioarteko enpresa traktoreekin topaketak bultzatzea errazten da.
Parkera giza kapitala erakartzea errazten duten zerbitzuak dira, garapen profesionalaren eta bokazio zientifiko-teknologikoen sustapenaren bidez enpresen talentua fidelizatzen dutenak. Haren indargune nagusiak honako hauek dira: gazteen artean bokazio zientifiko-teknologikoak sustatzea – oro har, eta emakumeak, bereziki –; zientziaren eta teknologiaren esparruan erreferente diren Parke enpresetako emakumeak ikusaraztea; profesional espezializatuak erakartzea, Parkek talentu-polo gisa duen irudia indartuz; Parke profesionalei prestakuntza ematen eta gaitasunak indartzen laguntzea; eta talentua fidelizatzea.
Parke ekosistemako enpresei hazten, ikusgarriagoak eta aitortuagoak izaten, merkatura arrakastaz iristen edo merkatu berrietan sartzen eta kanpoan Parke balioen erreferente izaten laguntzen dieten zerbitzuak. K · ekimenaren barruan, honako jarduera hauek egiten dira: berrikuntzako eta talentuko eragile nagusiak identifikatzea eta haiengana hurbiltzea, bai eta haien finantzaketa-programa publiko eta pribatu hautagarrietara ere; enpresa hazteko eta sendotzeko kapitala eta finantzaketa bilatzeko aukerak ezagutzeko ekitaldiak eta jardunaldiak antolatzea; erakundearen hazkundean eta nazioartekotzean modu pertsonalizatuan laguntzea; eta lan-espazio malguak erraztea, prezio hobaridunak dituzten sormen-areto eta -espazio gisa.
Parke enpresei merkatuan posizionatzen eta balizko bazkide, bezero eta lehiakideek mundu hiperkonektatu batean positiboki errekonozitzen laguntzen dieten komunikazio-zerbitzuak hartzen ditu. Gure enpresen balio-proposamenaren berri ematen dugu, Parke kanalen potentzia, irismena eta prestigioa aprobetxatuz, baita haien komunikazio-baliabideak eta -tresnak ere: webgunea (Parke enpresen albisteak eta ekitaldiak), argitalpenak (enpresa-buletina eta Euskotek aldizkaria), sare sozialak (Facebook, Instagram, Twitter, LinkedIn eta Youtube), eta komunikabideetako albistegiak.
Parke enpresei paradigma teknologikoen aldaketei eta ekonomiaren erronka digital berriei aurrea hartzen dieten zerbitzuak dira, eta lagundu egiten diete joerak atzematen eta balio handiko eta beren interesei zuzendutako saioak eskaintzen. Prospektiba lantzen da, zeinaren bidez Parke enpresentzat negozio izan daitezkeen teknologia disruptiboak identifikatzen diren; informazioa, azken aurrerapen zientifiko-teknologikoak ezagutzeko ekitaldien eta jardunaldien bidez bideratua; prestakuntza, teknologia aurreratuetarako sarbidearekin; teknologia negozioan aplikatzea, Parke enpresen benetako kasu disruptiboak aurkeztuz eta haien arteko B2B harremanak erraztuz teknologia horien ezarpena sustatzeko; eta laguntza eta komunikazioa, ikerkuntzatik eta ezarpenetik hasi eta azken garapen teknologikoen komunikaziora arte.
