Spyro-k bere posizioa indartu du Kanadako Constellation Software-en TSS taldean integratzean

Spyro teknologia-enpresa gipuzkoarra, TSS-n (totalspecificsolutions.com) integratu da, Kanadako burtsan kotizatzen duen Constellation Software multinazional kanadarraren filial holandarra.

Spiro-ko fundatzaile eta zuzendari nagusi den Ricardo Gonzalezen hitzetan, “operazio hau gure 35. urteurrena ospatzeko oparirik onena da, mundu globalean lehiatzeko enpresa-jardunbiderik onenak lortzeko aukera ematen digulako. Aldi berean, eragiketa horrekin, bezeroak eta langileak ere indartu egingo dira, enpresa-egitura oso sendo batek eta etorkizunerako apustu handi batek indartzen gaituelako”.

Spyro-k 35 urte betetzen ditu, eta Gipuzkoan aitzindaria eta dekanoa da enpresentzako ERP-en garapenean. Bere nortasun ikurren artean nabarmentzen da sorreratik ikerketan inbertitzearen aldeko apustu sendoa egin izana. Ikerketako eta garapeneko (I+G) unitate espezifiko bat sortzen aitzindaria da. Unitate hori Zientzia, Teknologia eta Berrikuntzako Euskal Sarean (Saretek) integratuta dago, eta urtero, sortu zenetik etengabe, urteko fakturazioaren % 15a erabiltzen du (4 milioi euro inguru) berritzen jarraitu ahal izateko, eta ERPa industria-sektoreetara eta haien beharretara egokitzeko. Unitate honek teknologia hauetara bideratzen ditu bere ahaleginak: Mugikorrentzako TOUCH soluzioak, Wifia, IP ahotsa, lengoaiak, plataformak eta protokoloak, lokalizazio- eta identifikazio-sistemak, ahots bidezko errekonozimendua, SGA prozesu-teknologiak, MDA arkitektura eta segurtasunerako teknologiak, besteak beste.

SPYRO enpresaren softwareak Txinan, Estatu Batuetan, Brasilen, Perun, Kanadan, Indian, Frantzian, Mexikon, Portugalen eta Ingalaterran daude, besteak beste, eta bertako tokiko enpresek eta Espainiako enpresen filialek eguneroko kudeaketarako erabiltzen dituzte.

Ekonomi-krisi garaian ere, I+G+Bn inbertitzea lehentasuna izan da konpainiarentzat; izan ere, gaur egun 65 langile inguru ditu, erdiak emakumeak eta gehienak goi-mailako tituludunak.

Konpainiaren ezaugarri nagusia izan da jardunbide egokiak zaintzea, genero-alderdiak bereziki zainduz eta familia-kontziliazioa bultzatuz. Emakumearen Euskal Erakundea den Emakunderen laguntzailea da.

Gainera, aitzindaria da sektoreko Bezeroen Lehen Batzordea sortzen. 2003an sortu zen, bezeroei ahotsa emateko, haien iradokizunak eta beharrak baloratzeko, eta haien produktuei eta garapenei irtenbide berriak emateko. (Bezeroen Batzordearen bideoa: https://www.adegi.es/adegi/noticia-esto-funciona-spyro-extendiendo-nueva-cultura-al-cliente-201609/)

Kalitatearen, berrikuntzaren eta jardunbide egokien aldeko apustuak esker on ugari ekarri dizkio.

Ricardo Gonzálezen hitzetan, “gure indarguneak, zalantzarik gabe, bezeroarenganako orientazioa dira, uneoro egokitzen baikara sektorearen beharretara eta eskaeretara, bai eta kalitate-politika eta prozesuen eta pertsonen kudeaketaren berrikuntza ere. Eta, jakina, produktuetan etengabe inbertitzea “. “Aintzindari izan gara Industry 4.0 proiektuarekin lotutako proiektu indartsuak abiarazten, bata autonomia mailakoa eta bestea estatu mailakoa; eremu horretan SPYROk zeresan handia duela uste dugu, eta horretarako proba-zentro bat ere sortu dugu.

Beste indargune bat gai honi aurrea hartu izana izan da eta dagoeneko TOUCH soluzio-talde oso berritzailea izatea, on line eta off line edozein gailu mugikorretatik eskuragarri (tablet, smartphone, etab.) “.

Ricardo Gonzalezen iritziz, “ilusioz eta Industry 4.0-ren aldeko zein soluzio mugikorren aldeko apustu sendoa eginez ekingo diogu egungo uneari. Gure erronka gero eta globalizatuagoa den gure merkatuari erantzuna emango dioten irtenbide berriak ikertzen eta garatzen jarraitzea da, non jada ez den pentsatu behar bertako bezero batengan, betidanikoa den harengan, baizik eta munduko edozein tokitan egon edo lan egin dezaketen bezeroengan “.

“Gaur egun distribuzio-akordioak ditugu Kolonbian eta Mexikon. Horrez gain, Latinoamerikako merkatuan akordio berriak lortzeko negoziazioetan ari gara “.

Ricardo Gonzalezen esanetan, “Hasieratik gurekin daramaten bezeroak ditugu, haiekin egon gara beti eta haietatik ikasten jarraitzen dugu”. Eta gehitzen du: “Gure ERPa % 100 gipuzkoarra da, gure bezeroen beharrei erantzuna emanez hazten ari da eta horrela hazten jarraitzea espero dugu. Orain, TSS bezalako talde handi bateko kide izateko zortearekin. Zalantzarik gabe, albiste ona da hau guztiontzat, Spyro-k bere posizioa indartzen baitu TSS taldean sartzean “, adierazi du Ricardo Gonzalezek. Horrez gain, enpresarekin konpromezua eta baita haren buru izaten jarraituko duela gaineratu du.

TSS (totalspecificsolutions.com) Constellation Software kanadar multinazionalaren filial holandarra da. Gaur egun, TSS-k 60 konpainia baino gehiago ditu Europan, hain zuzen ere, Holandan, Suedian, Finlandian, Erresuma Batuan, Alemanian, Frantzian, Belgikan, Espainian, Italian eta Errumanian, adibidez.