APTEren Batzar Orokorrak Batzorde Exekutibo berria aukeratu du
Aste honetan egin den APTEren Batzar Orokorrean Batzorde Exekutiboa berritu da, eta 15 kide ditu orain. Kudeaketarako talde berriak oinarrizko bost erronka ditu: parkeen ordezkaritza-lana sendotzea nola nazioan hala nazioartean; parkeen eredu ezberdinak kontuan hartzen dituen elkarte eredua taxutzea; parkeen sarean baliozko zerbitzuak sustatzea; ATPTE kokatzea I+G+B politika-esparru berrietan; eta informazio baliagarria sortzea.
Hauek dira Batzorde Exekutibo berria osatzen dutenak:
- Presidentea: Felipe Romera.
- Lehen presidenteordea: José Miguel Corres.
- Diruzaina: Francisco Negre.
- Idazkaria: Francesc Martos.
- Presidenteordeak: Itziar Martín, Josep M. Piqué, Luisa Pena, Joan Bellavista, José Luis Virumbrales, Francisco Mora, Txaber Ouro, Teresa Sáez, Antonio Verde, Bernardo Veira eta Miguel Ángel López.
2014-2020 epealdirako APTEk aurkeztu duen plan estrategikoa onetsi du Batzarrak, baita aurtengo kudeaketa-plana ere. Elkartearen plan estrategikoaren helburua da APTE erreferentziazko topagune izatea Espainiako berrikuntza-sistemako eragileentzat, eta sareko zerbitzuez hornitzea parkeak zein bertako inguruak.
Horrez guztiaz gain, APTEk zientzia- eta teknologia-parkeen 2014ko helbidetegi berria aurkeztu du paperean. Gida osatua da, gaztelaniaz eta ingelesez, eta bertan parkeei buruzko informazio guztia aurki daiteke: erakunde sustatzaileak, harremanetarako datuak, eskaintzen dituzten zerbitzuak, azpiegiturak, argazki-galeriak, etab.
Laster lineako bertsioa argitaratuko da, non parke bakoitzaren multimedia-edukirako estekak jasoko baitira: sare sozialak, txostenak, liburuxkak, eta askoz ere gehiago.
