Arabako Teknologia Parkeak argiztapen publikoaren energia-kontsumoa %15 gutxitu du
Potentzia gutxiago eta energia-eraginkortasun handiagoa duten ekipoen instalazioak urtero 183.000 kWh baino gehiago aurreztea ahalbideratu du. • Parkeak egin duen 34.000€tako inbertsioa urte eta erdian berreskuratuko du elektrizitate-fakturaren murrizteari esker.
2011n Arabako Teknologia Parkeak Kanpoaldeko Argiztapenaren Energia-eraginkortasunaren eta Argi-kutsaduraren gaineko Ikerlan bat egin zuen eta berau oinarri hartuta, energia eskaera gutxitzeko hobekuntza-proposamenak egin ziren. Hauetan nabarmenena, parkeko lanpara guztiak presio altuko sodioaren teknologiagatik ordezkatzea eta sarrerako bidegorriko argiak itzaltzea proposatzen zuena izan zen. Era honetara, argi-kutsadura murrizten zen, instalazioaren energia-eraginkortasuna hobetzen zen eta kontsumo elektrikoa gutxitzen zen, baita atmosferara CO2aren isuria ere.
Parkeak kanpoaldeko argiztapenerako 5 agintaritza-zentro dauzka, nondik 481 argi-puntu eragiten diren, eta argiztapen publikoko lanparen ordezkapena abiarazi zuen, teknologia eraginkorragoa duten presio altuko sodiozkoak instalatuz. 34.000€tako inbertsioa egin da. Hartu diren neurriok urtero 183.000 kWh baino gehiago aurreztea dakartela kontuan izanda, inbertsioaren itzulera-denbora gutxi gora-behera urte eta erdikoa izango da.
Arabako Parkeak iaz egindako energia eraginkortasunari buruzko azterketak eta honen ondorioz egindako hobekuntzek, Euskal Energia Erakundearen laguntza jaso dute, Laguntza Publikoak ’11 Programaren bidez.
