Ayesa Digitalek 580 milioiko negozio-bolumenarekin itxi du 2025a, % 9 gehiago, eta etapa berri bati ekin dio
Ebitda konpainiak % 19 egin du gora, 49 milioi euroraino, eta BAIk % 11, 23 milioi euroraino
Era berean, plantilla % 4 igo da, 11.000 profesional izateraino, hazkunde organikoak markatutako ekitaldian
Ziklo berri honetan, honako hauek dira Ayesa Digitalen akziodunak: Indar Kartera (Kutxabanken ibilgailu inbertitzailea), BBK banku-fundazioa, Eusko Jaurlaritza (Finkatuz), Vital Fundazioa eta Teknei.
Ayesa Digitalek, Espainiako merkatuko IT sektoreko bost enpresa nagusietako batek, zimendu sendoekin eta goranzko bidean dagoen ibilbidearekin hasten du bere ibilbide berria, adierazle nagusi guztiak modu orekatuan haziz. Hala, konpainiak 580 milioi euroko negozio-bolumenarekin itxi zuen 2025a, aurreko ekitaldian baino % 9 gehiago, eta Ebitdak % 19 egin zuen gora, 49 milioi eurotan kokatuz.
Era berean, Ayesa Digitalek 2025 amaitu zuen 626 milioi euroko eskaerekin eta 1.000 milioi euro inguruko zorroarekin, 917 milioitan kokatuz. Zerga aurreko mozkina (BAI), % 11, digitu bikoitzean hazi zen, 23 milioi eurora iritsi arte.
Inbertsioen atalean, I+Gra bideratutako 24 milioi euroak nabarmentzen dira. Arlo horrek Data & AI, Zibersegurtasuna, Cloud & Digital platforms eta Quantum Computing teknologietan jarri zuen fokua.
Azkenik, konpainiaren plantilla 11.000 profesionaletan kokatu zen urte amaieran, ekitaldiaren itxiera batean izan zuen maximo historikoa, % 4 igo ondoren. Aipatutako adierazle guztiek hazkunde organikoa izan zuten.
Misio kritikoko IT zerbitzuetako lidergoa
Manuel Barazak, Aiesa Digitaleko CEO izendatu berriak, “iazko emaitzak” oso ontzat “jo ditu. “Abiapuntu oso sendoa dira Aiesa Digital berriaren hasieran, datozen urteetarako ere enpresa-proiektuaren sendotasuna markatzen duten adierazleekin”, adierazi du.
Horrela, konpainia sektoreko bost enpresa nagusien artean sendotu da Espainian, misio kritikoko IT zerbitzuen prestazioaren eta eraldaketarako proiektu estrategikoen kudeaketaren buru izanik. Gainera, iaz Espainiako merkatuko zerbitzu teknologikoen hornitzailerik onena izan zen, Eraneos eta Whitelane Research aholkularitza-enpresek egindako “IT Zerbitzuen Sourcing-ari buruzko Ikerketa” entzutetsuaren arabera, sektore publikoko eta pribatuko 300 bezero baino gehiagok emandako iritziekin.
Aiesa Digitalari buruz
Abenduan eragiketa itxi ondoren, Ayesa Digital Espainiako merkatuko IT sektoreko bost enpresa nagusietako bat da. Etapa berri honetan, honako hauek dira bere akziodunak: Indar Kartera (Kutxabanken ibilgailu inbertitzailea), BBK banku-fundazioa, Eusko Jaurlaritza (Finkatuz), Vital Fundazioa eta Teknei.
