Basque Employer Branding Programme aurkeztu da, Euskadiko Parke Teknologian dauden enpresei zuzendua

2023ko urriaren 10a

Basque Talent-ek antolatuta, Euskadiko Teknologia Parkean instalatutako enpresa guztiei zuzendutako programa esklusiboa aurkeztu da

Basque Talentek antolatutako Basque Employer Branding Programme programa hainbat modulutan diseinatuta dago, eta Euskadiko Parke Teknologikoko campusetan dauden enpresei zuzenduta dago, haien tamaina edo jarduera-sektorea edozein dela ere.

Programak 5 modulu tematiko ditu: talentua, erakarpena, employee experience, aniztasuna eta kultura, eta arlo ezberdinetako profesional ezagunek emango dituzte.

Programak 5 modulu tematiko ditu, 2023ko urriaren 24an hasi eta abenduaren 19an amaituko da. Euskadiko Parke Teknologikoan kokatuta dagoen edozein enpresari zuzenduta dago, haien tamaina edo jarduera-sektorea edozein dela ere.

Dagoeneko 30 enpresa baino gehiagok eman dute izena programan. Izena emateko epea 2023ko urriaren 20an amaituko da. Plazak mugatuak dira.

Programa

Aurrez aurreko programa honek 5 modulu tematiko ditu, bakoitza 4 ordukoa.

Modulu guztiek lehen atal bat izango dute, non gaian aditua den pertsona batek esparru teorikoa, tresnak eta metodologiak eskainiko dituen. Halaber, saioek bigarren zati bat ere izango dute. Bertan, enpresa eta profesional jakin batzuek beren jardunbide egokiak eta gaiarekin lotutako esperientzia partekatuko dituzte, eta lankidetza-espazio bat sustatuko da parte hartzen duten erakundeen artean, haiek egin beharreko aldaketei buruz hausnartzeko.

Programak modulu guztietara joatea eskatzen du, behar bezala justifikatutako edo ezinbesteko kasuetan izan ezik. Programa amaitzean,
arrakastaz burutu dutenek, ziurtagiri bat jasoko dute.

2023/10/24 9:30 – 13:30 PARKEA – Vitoria-Gasteiz campusa	#1 MODULUA TALENTUA: estrategia	Andrés Ortega Martínez	– Talentuaren kudeaketa ikuspegi estrategiko batetik. – Talentua: zer eta zertarako. – Talentu-estrategia: nola egin aurrera negozioaren aldeko praktika baliotsuetarantz. – Giza baliabideen funtzioa eta lanaren etorkizunerako talentua.
2023/11/07 9:30 – 13:30 PARKEA – Donostia campusa	#2 MODULUA ERAKARPEN estrategiak: ekosistema	Mónica Domínguez García	– Online eta offline posizionamendu-estrategiak talentua erakartzeko. – LinkedIn ikusgaitasun-tresna gisa. – Merkatu/negozioko testuinguru eta sare profesionalak, talentua erakartzeko mekanismoekin. – Ekosistema DUALak, junior profilak erakartzeko.
2023/11/21 9:30 – 13:30 PARKEA – Zamudio/Derio campusa	#3 MODULUA EMPLOYEE EXPERIENCE	Almudena Rodríguez Tarodo	– Kaptazio-prozesuaren (bir)diseinua: mugarriak eta partnerrak. – Onboarding-a: balio-proposamenarekiko koherentzia. – Pertsonalizazioa eta desberdintzea: WOW esperientziak sortzea.
2023/12/05 9:30 – 13:30 PARKEA – Vitoria-Gasteiz campusa	#4 MODULUA ANIZTASUNA: goranzko osagaia	Sonia Viñas Sánchez	– Aniztasuna: agendan jarri beharreko elementua. – Aniztasuna eta emakume-talentua. – Belaunaldi-aniztasuna. – Aniztasuna, nazioarteko profilak erakartzeko begiradatik. – Place branding-a bozgorailu biderkatzaile gisa.
2023/12/19 9:30 – 13:30 PARKEA – Donostia campusa	#5 MODULUA KULTURA: jasangarritasunaren gakoa	Simon Dolan	– Kultura eta lidergoa fidelizazio-prozesuen giltzarri gisa. – Kultura desiratzen den balio-proposamenarekin lerrokatzea. – Antolaketa-eredu berriak, proiektuekin ahaldundu eta maitemintzeko.