Euskadiko Parke Teknologikoak lankidetza berritu du Advanced Factories Expo & Congressekin
Advanced Factories, industria-sektoreko profesionalentzat Europa hegoaldean erreferentea den ekitaldi teknologikoak zortzigarren edizioa ospatuko du 2024ko apirilaren 9tik 11ra Fira – Barcelona esparruan, 30.000m2-ko erakusketa-gunearekin
“Integrating Automation Systems” lelopean, 560 enpresa erakusketari baino gehiagok aurkeztuko dituzte automatizazio industrialeko, robotikako, integrazio-sistemetako, planta industrialak kudeatzeko softwareko, cloud industrialeko, digital twineko, machine learningeko, zibersegurtasuneko, big datako, IoT-eko, adimen artifizialeko, VR/ARko eta 4.0 industriatik sortzen diren teknologia guztietako berrikuntzak, besteak beste, lehiakortasun industrialaren hobekuntza, negozio-eredu berriak, produkzio-prozesu berriak eta bezero-esperientzia berriak bultzatzen ari direnak.
Era berean, Advanced Factories 2024k industria-berrikuntzari buruzko Europako kongresurik handiena hartuko du, Industry 4.0 Congress izenekoa. Bertan, nazioarteko lehen mailako 320 adituk baino gehiagok negozio-eredu berriak ezartzeko gakoak emango dituzte, eta industria aurreratuaren eta digitalaren inguruko punta-puntako joera teknologikoetan sakonduko dute. Sortzen ari diren azken teknologiak eta automatizazio- eta fabrikazio-sistema berritzaileenak ezagutzeko gune bat, eta, aldi berean, teknologia- eta ezagutza-transferentziako puntu bat, egungo egoeraren arrakasta-kasu garrantzitsuenak partekatzeko.
Sarrera DOAKO PASEEKIN Advanced Factories
Ekitaldiaren partner gisa, eta indarrean dagoen lankidetza-hitzarmenari esker, Euskadiko Parke Teknologikoak VIP paseak (kopuru mugatua) gozatzeko aukera eskaintzen die Parke enpresei, ekitaldiaz doan gozatzeko.
Interesa baduzu, ez izan zalantzarik dnm@parke.eus helbidearen bidez eskatzeko.
