Zure negoziorako enpresa liderrekin lankidetzan aritzeko aukerak
Euskadiko Parke Teknologikoko eta Kartujako Parke Zientifiko eta Teknologikoko enpresa liderrekin egindako topaketaren laugarren edizioa, lankidetza eta negozio aukerak sortzeko.
Aurtengo edizioan, joan den maiatzean Inerco enpresarekin egindako lehen topaketa baten ondoren, urriaren 1ean itxiko dugu enpresa liderrekin egingo diren topaketen aurtengo edizioa. Oraingo honetan, topaketa Petronor enpresarekin izango da. Bertan, haren lana, proiektuak eta abar hurbilagotik ezagutzeko aukera izango duzu, eta aldebiko bilerak hitzartu ahal izango dituzu sinergiak aztertzeko. Ekimen hau bi parkeen arteko lankidetzaren emaitza da, eta parke horietan kokatutako erakundeen negozioak bultzatuko dituzten loturak eta sinergiak bilatzea du helburu.
PETRONORREKIN BILERA
1ª ZATIA – Urriak 1: PETRONORren aurkezpena, lankidetza-aukerak aztertu ahal izateko esparruak eta proiektuak. Jardunaldiaren ondoren, bilera-eskaera bidali ahal izango duzu zure proiektua aurkezteko.
Aldebiko bilerak
Urriak 1 – 11: aldebiko bilera bat eskatzeko epea (PETRONORek jasotako eskaerak aztertu eta egokitzat jotzen dituenak onartuko ditu).
Eman izena irailaren 30a baino lehen!
Aldebiko bilera bat egiteko aukera izateko, beharrezkoa da erakunde bakoitzaren aurkezpen-saioetan parte hartzea.
PETRONOR enpresak %85eko partaidetza du Repsolen eta %15ekoa Kutxabanken, eta bere ekoizpen nagusia Bizkaian egoitza duen Euskal Autonomia Erkidegoko garraiorako erregaiak dira. Urtean 12 milioi tona ekoizteko ahalmena du, eta Europako findegi garrantzitsuenetako bat da. Gaur egun, eraldaketa-proiektu batean murgilduta dago, 2050ean Cero Emisiones Netas enpresa bat izateko. Horretarako gakoak teknologia eta berrikuntza industriala dira, produktu multi energetiko deskarbonizatuen zorro berri bat sortzeko (hidrogenoa, e-fuelak, bio erregaiak, etab.).Hori guztia energia deskarbonizatuko, ekonomia zirkularreko eta berrikuntzako kluster industrial baten erdigune bihurtzeko: hidrokarburo likido neutroak eta karbono-aztarna txikia duen industriarako lehengaiak ekoizteko zentroa, hidrogenoaren ekonomia sustatzeko zentroa, CO2 atzitzeko eta berrerabiltzeko zentroa eta hondakinak aprobetxatzeko eta ekonomia zirkularra sustatzeko zentroa. Espainiako lehen findegia da, elektrolizagailu bat martxan duena, eta Repsol Taldeko erreferentziazko findegia erregai sintetikoetan eta CO2 atzitzeko prozesuetan.
