Irisbond Dúo, erabiltzaileekin batera sortutako proiektua
Sistema horrek aukera ematen die ezgaitasun handiak dituzten pertsonei autonomoki komunikatzeko
Irisbond Dúo dispositiboaren bidez posible da begiradarekin ordenagailua kontrolatzea. Irisbond Dúo Eye Tracking teknologiekin eta konpainia gipuzkoarrak garatutako software aplikazioekin osatu da, eta horri esker, ezgaitasun maila altuak (ELA, paralisia edo tetraplejia) dituzten pertsonak autonomoki komunikatu daitezke.
Lehen bertsioa, Irisbond Primma, 2013an merkaturatu zen, Vicomtech zentroan gauzatutako garapen teknologikotik abiatuta, eta harrezkero dozena erdi bat herrialdetan banatu da. Orain, enpresa donostiarrak lan-prozesu luze bat egin du erabiltzaileekin sistema hobetzeko, eta proiektuaren hurrengo urratsa merkaturatu du: Irisbond Dúo. Dispositibo berriak aurrekoaren teknologia berbera du oinarri bezala, baina mugikortasun gehiago eskaintzen du, eta egokitu egin da erabiltzaile profil berrientzat.
