ITP Aerok nortasun korporatibo berria aurkeztu du bere hedapen-etapa berrirako
ITP Aerok, konpainia aeroespazial globalak, bere marka-nortasun berria aurkeztu du, mugarri garrantzitsua hegazkingintzaren etorkizuna birdefinitzeko bidean. Marka-aldaketa horrek, «Flying forward, together» lelopean, industrian 35 urteko esperientzia ospatzeaz gain, ITP Aero enpresaren bilakaera ere markatu du, abiazioan berrikuntza, eraginkortasuna eta iraunkortasuna bultzatzeko ikuspegi argia duen enpresa independente gisa
Konpainiaren asmoaren inguruan eraikitako markako narratiba berri bat hartuz, «Elkarrekin, hegan egiteko modu hobeak bilatzen ditugu, magiari bizirik eusteko», ITP Aerok hurrengo belaunaldiko hegaldi-teknologietan lider gisa duen rola sendotu du. Konpainiak maila igo nahi du balio handiko lankidetza-sareak eraikiz, bere espiritu berritzailea eta hegaldiaren etorkizuna bultzatzeko grina aprobetxatuz.
Markaren bilakaera bisualak haren eraldaketa estrategikoa islatzen du, unibertso moderno eta bereizgarri bat sortuz, ITP Aeroren lidergoa indartuz hegazkingintzan. Markak aurrerapen komunarekin, etengabeko berrikuntzarekin eta lankidetzarekin duen konpromisoa islatzen du sinboloak.
Bartzelonako MRO Europe azokan aurkeztu zen, eta marka-aldaketa hori ITP Aero enpresarentzat asmo handiko hedapen-aldi batean gertatu zen. Hedapen hori I+Gn eta industria-hazkundean egindako inbertsio garrantzitsuek, MRO (Maintenance, Repair and Overhaul) enpresaren gaitasunek eta Future Combat Air System-en (FCAS) motorraren zutabe nagusi izateak markatu zuten. ITP Aero enpresaren plantilla globala % 10 baino gehiago hazi da azken urtean, industriako eragile nagusiekin lankidetza estrategikoen bidez indartuta, eta konpainiak bilakaera azkarrean dagoen merkatu aeroespazialean duen bultzada handia islatuz.
Ibilbide arrakastatsuarekin, ITP Aerok hazkunde-estrategia bizkortu eta irtenbide aeroespazial aurreratuen garapena bultzatzen du. Konpainia funtsezko bazkide industrialekin aliantzak indartzen ari da, eta, aldi berean, motor aeronautikoen teknologia aitzindarietan inbertitzen jarraitzen du.
Berrikuntzaren aldeko apustu hori abiazio komertzialaren eta defentsaren sektoreetan ITP Aeroren aurrerapena bizkortzeko diseinatuta dago, eta, aldi berean, industria aeroespazialaren etorkizun eraginkorrago eta seguruagoari forma ematen dio. Gainera, ITP Aero bere gaitasunak eta MRO taldea handitzen ari da, bizi-ziklo osoko propultsio-zerbitzuak emateko helburua indartzeko.
Eva Azoulay ITP Aeroko CEOak honako hau adierazi du: “Oso pozik gaude ITP Aeroren nazioarteko hazkunde eta hedapen etapa berri honekin. Gure marka-nortasun berrituak teknologia aeronautikoen aurrerapenarekin dugun konpromisoa sinbolizatzen du, gure bazkideekin batera lan eginez eta ahal den neurrian mugak zabalduz. «Flying forward, together» ez da soilik lelo bat; gure lankidetza-espirituaren eta etorkizun hobe baterako irtenbide adimentsu eta iraunkorrak eskaintzeko dugun interesaren isla da .»
