Ormazabal hazi egin da eta instalazioak handitu ditu Euskadiko Parke Teknologikoko Zamudio/Derio campusean

Ormazabalen egoitza berria Euskadiko Parke Teknologikoko Zamudio/Derio campuseko 614. eraikinean dago, eta egoitza horretaz gain, Velatiaren negozio elektrikoko bi enpresak hartuko ditu: Supsonik eta Stratenergy

Supsoniken jarduera da potentziako elektronikako ekipoak eta sistemak diseinatzea, fabrikatzea eta merkaturatzea industria-sektorerako

Stratenergyren jarduera bezeroen eragiketak deskarbonizatzea da, eraginkortasun energetikoaren, autoekoizpenaren eta mugikortasun elektrikoaren bidez

Egoitza berriak 3.500 m2-ko bulegoak eta 5.500 m2-ko industria-gunea ditu

Ormazabalek, irtenbide elektrikoetan espezializatutako Velatia taldeko enpresak, beste urrats bat eman du bere hazkunde-planean eta Zamudio/Derioko campusean bere instalazioak zabaldu ditu.

Ormazabalek 2.400 pertsonatik gorako lantaldea du gaur egun munduan, eta 2022an 610 milioi euro baino gehiago fakturatu zituen.

3.500 m2-ko bulegoak eta 5.500 m2-ko industria-espazioa dituen egoitza berrira datozen hilabeteetan joango dira lekualdatzen, eta, gainera, Velatia, Supsonik eta Stratenergy taldeko enpresak sartuko dira bertan, horiek ere energia-trantsizioan zentratuta.

Supsonikek industria-sektorerako potentziako elektronikako ekipoak eta sistemak diseinatu, fabrikatu eta merkaturatzea du jarduera gisa. Gaur egun, Sondikan dago, eta enpresa-taldeak erosi zuen 2021ean.

Stratenergy, eraginkortasun energetikoaren, autoekoizpenaren eta mugikortasun elektrikoaren bidez bezeroen eragiketak deskarbonizatzean zentratzen dena, Zamudio/Derio Campusean zegoen jada, eta bere 5 urteko bizitzan Espainian enpresa garrantzitsuentzako zerbitzu energetikoen enpresa handiena bihurtu da.

Ormazabalen egoitza berri horren tamainak eta ezaugarriek aukera ematen dute Velatiaren egoitza ere bertara eramateko, gaur egun okupatzen duen 104. eraikinetik.