“Ospatu Gabonak zorion-postal batekin” lehiaketa egingo da bigarrenez
Arabako Teknologia Parkeak abiarazi du Gabonetako Postalen II. Lehiaketa, iaz oso arrakastatsua izan zen ekimena. Horren bidez haurrek euren gaitasun artistikoa garatu ahalko dute Gabonetan girotutako zorion-postala marraztuz. Lehiaketan parte hartzeko, neska-mutilek baldintza hauek bete behar dituzte:
- Parkeko langileen seme-alabak izatea
- 5 eta 10 urte bitartean izatea (2013an beteta)
Zorion-postala eskuz margotu beharko da pintura, argizarizko margo, akuarela edo bestelako lanabesak erabilita, eta Arabako Teknologia Parkearen logotipoa jaso beharko du.
Lanak aurkezteko epea abenduaren 15ean 10:00etan amaituko da.
Izena-ematea
Lehiaketan parte-hartzeko beharrezkoa da aldez aurretik izena ematea mezu elektroniko bat bidaliz helbide honetara ptalava@pt-alava.es; mezuan ondoko datuak adierazi behar dira:
- Haurraren izen-abizenak eta adina
- Aitaren edo amaren izen-abizenak
Aurten sari bikainak izango ditugu lehenengo hirurentzat: Caype papertegiko hiru saski, 175, 125 eta 100 euroko balioa dutenak, hurrenez hurren. Parte-hartzaile guztiekin egingo den jaian emango dira saskiok, abenduaren 15ean 11:00etan Parkeko eraikin nagusian. Egun horretarako ere Caypek tailer bat antolatu du haur guztientzat.
