AEG Power Solutionsek Mexikon Iberdrolarentzako kogenerazioko bi lantegi ekipatu ditu
Hornikuntza Tamoinentzat egin du. Giltza eskurako modalitatean, Tamaulipas eta Querétaro estatuetan kogenerazioko bi lantegi eraikitzen ari da
Kontratua multinazionalak Arabako Teknologia Parkean duen lantegitik bidali dute eta etenik gabeko elikadura-sistemen eta baterien artezgailuen-kargagailuen multzoa da
AEG Power Solutions enpresak, energia hornitzeko sistemen, industria-elikadurako iturrien eta energia berriztagarriko irtenbideen mundu mailako hornitzaileak, hainbat ekipamendu entregatu du Tamoin giltza eskurako modalitatean Iberdrolarentzat eraikitzen ari den Altamirako eta Bajíoko (Mexiko) kogenerazioko lantegietarako.
AEG Power Solutionsek, Arabako Teknologia Parkeko lantegitik, Tamoin ingeniaritza-enpresari etenik gabeko elikadura-sistemen (SAI) eta baterien artezgailuen-kargagailuen multzoa hornitu dio. Horiek guztiak Iberdrolak Mexikoko Altamiran (Tamaulipas estatua) eta Bajíon (Querétaro estatua) dituen kogenerazioko lantegietarako izango dira.
AEG Power Solutionsen ekipoek Iberdrolak Mexikon izango dituen kogenerazioko bi lantegietako energia bermatuko dute. Instalazio horiek lantegi kimiko bateko (Altamira) eta higiene-produktuen fabrikatzaile baten (Bajío) eragingarritasuna hobetu eta energia-kostuak murriztuko dituzte, erregai gisa gas naturala erabilita.
Altamirako kogenerazio-zentralak kondentsazioko lurrunezko turbina eta gas-turbinak biltzen ditu bi estrakziorekin. Potentzia elektrikoa 60 megawattekoa (MW) izango da, eta hori gas bidezko multzo turbosorgailu bidez 51 MW-ko potentzian eta presio ertaineko eta baxuko ateratzeekin kondentsazioko lurrunezko turbosorgailu bidez 9 MW-ko potentzian banakatuko da. Energia-instalazioaren bizitza baliagarria 50 urtekoa izango da eta 80 milioi dolarreko inbertsioa eskatuko du (76 milioi euro ingurukoa).
Iberdrolak Bajíon, San Juan del Río udalerrian, Querétaron, duen kogenerazioko zentrala ere gas-turbinak eta kondentsazio-lurrunezko turbinak dituen ziklo konbinatuko lantegia da. Presio ertaineko estrakzioa du.
Instalazioa multzo industrial baten barnean dago eta gehienez 54.2 megawatteko (MW) potentzia elektrikoa izango du. Haietatik 41.4 MWe gasezko turbosorgailu bidez produzituta daude 6 gradu zentigrado baino gutxiagoko onarpen-airearekin, eta 12.8 MWe, aldiz, presio ertaineko estrakzioa duen kondentsazioko lurrun bidezko turbosorgailu bidez.
Bajíoko ziklo konbinatuko lantegia garatzeko aurrez ikusitako inbertsioa ere 80 milioi dolarrekoa da eta turbina eta kondentsadorea, mekanika, elektrizitatea eta kontrol-sistema, obra zibila, egiturak, eraikuntza eta hari lotutako elementuak jasotzen ditu.
