Anima zaitez Space Unitedek Gasteizen duen futbol taldean parte hartzera!
Be Parke Klubean aisialdirako, kulturarako, kirolerako eta osasunerako hainbat jarduera eskaintzen dizkizugu, zure zaletasunez gozatzeko aukera izan dezazun Campusetik aldendu gabe eta, aldi berean, lotura berriak sor ditzazun. Oraingo honetan, AVS Next Euskadiko Teknologia Parkeko Gasteizko Campusean dagoen enpresak sustatuta, Space Unitedek Campus honetan kokatutako enpresetako langileekin sortu nahi duen futbol amateurreko taldean parte hartzera gonbidatzen zaitugu.
AVS Next espazioan mekanismoak, instrumentazioa eta robotika garatzeko erreferente bihurtu den euskal ingeniaritza da. Nazioartean garrantzia duten proiektuak garatu ditu, hala nola NASAk diseinatutako Rover Perserverance ibilgailurako hainbat osagai, Marteko azaleraren laginak esploratu eta biltzeko, eta laster EAEko lehen % 100 satelitea, LUR-1, jaurtitzeko asmoa du, Euskadin erabat garatu eta muntatua.
Space United ingeniari aeroespazial futbolzaleek sortutako kirol-erakundea da. 2014an hasi zen Estatu Batuetan Space X futbol talde gisa, mundu mailako enpresa aeroespazial garrantzitsuenetako bat. Organizazioak talde berriak sortu zituen beste enpresa batzuetako pertsonekin, hala nola Blue Origin, NASA JPL, Relativity Space edo Amazonekin, eta gaur egun askotariko komunitatea bihurtu da, Estatu Batuetan (Los Angeles, Seattle, Denver, Space Coast) eta Espainian (Madril) kokatutako talde amateurrez osatua.
Space Unitedek talde berria osatu nahi du Gasteizen, amateur mailan lehiatu eta, besteak beste, Arabako Futbol Federazioaren 7. Futbol Txapelketan jokatu ahal izango duena. Parkean futbol zaleak diren enpresetako langileak bilatzen ari da, zaletasun hori partekatu eta kirol honetaz gozatu nahi dutenak.
Taldean parte hartu nahi baduzu, bete erantsitako inkesta uztailaren 26a baino lehen.
Informazio gehiago behar izanez gero idatzi kluba@parke.eus helbidera.
https://inkestak.parke.eus/index.php/336843?lang=eu
Sar zaitez etorkizunari forma ematen ari diren milaka profesionalez osatutako komunitate zirraragarri batean!
