BCAREk eta CIC energiGUNEk, zahartze prozesuen azterketan eta “post-mortem” analisietan oinarritutako ibilgailu elektrikoentzako baterietarako diagnostiko modelo aurreratuen garapena aurkeztu dute AVL Tech Week-en

Roberto Pacios CIC energiGUNEko Energia Elektrokimikoaren Biltegiratze Arloko Teknologia koordinatzaileak eta Soraya Romo BCAREko zuzendari nagusiak, batera egindako ikerlanak eta horiek produktu eta zerbitzu berrietan duten aplikazio zehatza aurkeztu dituzte AVL Tech Week jardunaldietan modu birtualean bildutako automobilgintzako industriaren aurrean

Mugikortasunaren erronken aurrean industriak duen benetako prestakuntza aztertu nahi duen foroa, motorren eta potentzia-sistemen garapenean munduko liderra den AVL List GmbH enpresak sustatzen du

CIC energiGUNE energia elektrokimikoa eta termikoa biltegiratzearen arloan Europan erreferentea eta Basque Research & Technology Alliance BRTAko kide den ikerketa zentroak, eta energiaren biltegiratzearekin erlazionatutako industriari balio erantsiko zerbitzuak ematean espezializatuta dagoen bere BCARE spin off-ak, besteak beste “post-mortem” azterketan eta produktu eta zerbitzu berrien aplikazioan oinarrituta bateriaren ezagutzan lortutako aurrerapenak aurkeztu dituzte gaur AVL Tech Week foroaren inguruan bildutako automobilgintza industriaren aurrean.

Roberto Pacios CIC energiGUNEko Energia Elektrokimikoaren Biltegiratze Arloko Teknologia Koordinatzaileak eta Soraya Romo BCAREko zuzendari Nagusiak Arabako Parke Teknologikoan egindako lanaren emaitzak azaldu dituzte, eta dagoeneko etorkizuneko ibilgailu elektrikoaren baterietarako modelo aurreratuak lortu dituzte hiru atal kritikotan: kargaren egoeran, gailuaren osasunean eta bizitza erabilgarrian. Modelo horietako batzuk arrakastaz ezarri dira dagoeneko BCAREren zorroa osatzen duten produktu eta zerbitzu jakin batzuetan.

Zehatzago esanez, Pacios doktoreak, ibilgailuaren funtzionamendu-baldintzek bateriaren iraupenean eta segurtasunean nola eragiten duten azaldu du, eta baita zein diren artearen egoerari dagokionez aurrera egiteko joera teknologikoak ere, autonomiari zein segurtasunari dagokienez. Bestalde, BCAREko Zuzendari Nagusiak eredu prediktiboetan oinarritutako bateriak kudeatzeko sistema aurreratuen berri eman du.

Aurkezpena AVL Tech Week jardunaldian egin da. Aste honetan ari da egiten, modu birtualean, eta automobilgintzaren ordezkari nagusiak biltzen ditu mugikortasun berriaren erronken inguruan. Topaketa AVL List GmbH Austriako enpresak antolatu du. Potentzia-sistemen garapen, simulazio eta testatze eta ibilgailuetan integratze arloko konpainia garrantzitsuena da.

Ildo horretan, antolatzaileek CIC energiGUNEk eta BCAREk baterien arloko erreferente gisa duten esperientzia eskatu dute, industriak motor elektrifikatuaren garapen eta integrazio arloko ikerketa zein egoeratan dagoen ezagutu dezan. Horrela, AVLren ardura izan den powertrain izenekoaren elektrifikazioaren garapenari buruzko hasierako azalpenaren ondoren, sektoreko profesionalek CIC energiGUNEren zahartze eta “postmortem” zerbitzuak ezagutu ahal izan dituzte, eta baita horien emaitzek produktu jakinetan duten aplikazio praktikoa ere. Lan hori BCAREk egiten du.

AVL Digital Tech Week 2020 programak gaur egungo eta biharko mugikortasunaren erronkei erantzuteko gakoak erakutsi nahi ditu automobilgintzaren industriaren aurrean. Motorraren elektrifikazioaz gain, gidatze autonomoaren, hidrogenoak mugikortasunean izango duen aplikazioaren eta barne-errekuntzako motorrari buruzko espektatiben inguruko azken berriak azalduko dituzte adituek aste honetan.