CEITen defendatutako doktorego-tesi batek hegazkin-piezak molde bidez egiteko prozesuak hobetzea ahalbidetuko du
Sektore aeroespazialak trakzio-efektua du ikerketan, kalitatearen eta berrikuntza teknologikoaren estandarrak eskatzen dituelako
Ildo horretan, I+G+b arloan beti abangoardian dauden fabrikazio-, teknologia- eta material-prozesuak nabarmentzen dira. Ahalegin gehienak aireontziko motorren eraginkortasuna eta potentzia hobetzera bideratzen dira. Ildo horretan, propultsio-sistemen osagaiek jasaten dituzten lan-baldintzak gero eta larriagoak dira tenperaturari, korrosioari edo neke termo-mekanikoari dagokienez, besteak beste.
Aurrekoa kontuan hartuta, turbinetan erabilitako materialek eraginkortasunari eta errendimenduari dagokienez funtsezko eginkizuna dutela azpimarratu behar da. Material horien artean, nikeletan oinarritutako superaleazioak nabarmentzen dira, galdaketa, forjatze eta mekanizazio prozesu konbentzionaletatik datozenak. Osagai horiek ekoizteko orduan lehengaiak alferrik ez galtzeko, doktore tesi honek aurrera egin du NNS-HIP (Near Net Shape Hot Isostatic Pressing) izeneko prozesuetan.
Prozesu batean, diseinu-kapsula batean hautsa sartzen da, kapsula horren airea husten da eta hermetikoki zigilatzen da, kapsulari tenperatura eta presio altuko prentsatze isostatiko bat eginez, eta hautsa dentsifikatuz sinterizazio-prozesu baten bidez. Prozesu horretan kapsula uzkurtu egiten da, eta, beraz, aldaketa hori zehazki aurreikusi behar da, azken piezatik hurbil dagoen forma lortu nahi badugu.
Borja Elgezabal ingeniariaren tesiak portaera elasto-biskoplastikoa duten materialentzako lege bat garatu du, trinkotze-prozesuaren ondoren osagaien azken formak iragartzeko aukera ematen duena, bai eta kapsulen geometria optimoa diseinatzeko tresna bat ere.
