Fabrikazio Aurreratuari eta Makina-erremintari buruzko Biltzarraren XXII. edizioa, Gipuzkoako Zientzia eta Teknologia Parkean

AFM Klusterrak antolatzen du biltzarra, eta fabrikazio aurreratuaren eta digitalaren sektoreko enpresen erreferente nagusitzat jotzen da.

Askotariko profilei zuzenduta dago kongresua, hala nola zientzialariak eta irakasleak, kudeatzaile eta zuzendari teknikoak, ekoizpeneko eta Giza Baliabideetako kudeatzaile eta zuzendariak, eta profesional seniorrak eta juniorrak.

2019ko urriaren 23tik 25era egingo da, AFM Klusterrak antolatuta, Fabrikazio Aurreratuari eta Makina-erremintei buruzko Biltzarraren hogeita bigarren edizioa Gipuzkoako Parkeko eraikin nagusian. Fabrikazio Aurreratuaren eta Digitalaren interesen Espainiako ordezkaria da AFM Klusterra, eta Parkean bertan dago erakunde horren egoitza nagusia.

Biltzarraren helburua da fabrikazio aurreratuaren eta digitalaren esparruan interes handiena pizten duten gaurkotasunezko gaiei buruz eztabaidatzea, antolatuko diren hitzaldien, mahai-inguruen, startupen aurkezpenen, debateen eta bestelako formatuen bitartez.

Fabrikazio aurreratuaren eta digitalaren sektoreko berritasun eta joera nagusiak ikuspegi global batetik ezagutzeko aukera izango dute parte-hartzaileek: ikuspegi zientifiko-tekniko batetik, baina beste ikuspuntu batzuekin osatuta, hala nola:

◾Digitalizazioa fabrikazio aurreratuan

◾Fabrikazio gehigarria

◾Talentua erakartzea eta kudeatzea

◾Startupak garatzea eta bultzatzea

◾Fabrikazioaren etorkizuna, kotxe elektrikoaren ondoren

Gainera, erakusketa-gune bat izango du Biltzarrak, enpresek beren produktu eta zerbitzu berritzaileenak aurkez ditzaten.

Informazio gehiago eskuratzeko eta izena emateko: http://congresomh.afm.es/