GAIKER-IK4k Ingurumen eta Birziklapenerako bere I+G+b eskaintza aurkeztuko du ECOFIRA Azokan
Otsailaren 16tik 18ra Valentzian egingo den Ingurumen Konponbideetarako Nazioarteko X. Azokan hartuko du parte
GAIKER-IK4 Zentro Teknologikoak ECOFIRA Azokan hartuko du parte; otsailaren 16tik 18ra Valentzian egingo den Ingurumen Konponbideetarako Nazioarteko Azokaren X. Edizioa izango da aurtengoa. Gaiker-IK4k ibilbide luzea du ingurumen arloko I+D+b esparruan; gaur egun bera da IK4 aliantzaren barruan Ingurumen eta Birziklapeneko unitate zientifiko-teknologikoaren buru, 8 zentro teknologikok osatzen dutena.
Azoka honetan parte hartuz, Gaiker-IK4k bere esperientzia eta jarduna ezagutzera emateko aukera izango du I+G+b Proiektuen garapenean, Aurreratutako Zerbitzu Teknologikoetan, Analisi eta Entseguetan eta Teknologia Prestakuntza eta Hedapenean, ingurumen eta materiale plastiko eta konpositeen birziklapen arloetan. Gaiker-IK4k 24 metro koadroko standa izango du eta bertan, bere Ingurumen eta Birziplanerako arloan garatutako hainbat prototipo erakutsiko ditu, besteak veste:
• Ehun eta autogintzako hondakinen berrerabilpena, eraikuntza sektorerako panel isolatzaileak egiteko.
• Tresna elektriko eta elektronikoen materiale plastikoen birziklapen eta berrerabilpena, hainbat sektoretarako pieza berriak ekoizteko (autogintza, elektragailuak etabar.)
• Autogintza sektoreko konpositeek birziklapen eta berrerabilpena plastikozko pieza berriak egiteko: panelak, autoen fokuak, etabar.
• Futbol zelai artifizialetako materialeen birziklapen eta berrerabilpena, zelai berriak egiteko edota produktu berriak ekoizteko.
• Hondakin plastikoen pirolisitis ateratako olioen berrerabilpena industria alorrean.
• Gurpil birziklatuen erabilpena, errepideen asfaltatzean.
• Eraiste-hondakinen erabilpena (porlana, adreilua, egurra, harria) eraikuntzako materiale berriak ekoizteko.
• Instalazio elektriko etabarretako hondakinekin panel apaingarriak ekoiztea.
ECOFIRA, Ingurumen Soluzioen Nazioarteko Azokaren 10.edizio honek 100 erakusletik gora izango ditu eta 10.000tik gora bisitari profesional izango dituela aurreikusten dute antolatzaileek.
