Geoekonomiako zenbait ikasle alemanek eredu ekonomikotzat hartu dute Euskadiko Parkeen Sarea
Heidelbergeko Unibertsitateko Geoekonomiako 16 ikaslek eta haien 2 irakaslek Bizkaiko Parkea bisitatu dute, Parkeak ekosistema ekonomiko esanguratsu bihurtzen dituzten alderdiak ezagutzeko asmoz.
Parkeen Sareko Negozio Garapen eta Marketineko zuzendari Raquel Ubarrechenak ezaugarririk interesgarrienak adierazi zizkien ikasle alemanei. Besteak beste, Parkeetan kokatzen den enpresa kopurua, haien urteko fakturazioa, nazioartekotze- eta garapen-maila, ezagutza zein talentuaren kontzentrazioa eta I+Gn egiten den inbertsioa nabarmentzen dira Europako beste guneekin alderatuta.
