Lek Ingeniería euskadiko enpresak kablerik gabeko artroskopiarako lehen WAD® sistema produzitu du
– Guillen doktoreak Mikel Sánchezi kablerik gabeko artroskopiako hirugarren belaunaldiko WAD® (Wireless Arthroendoscopy Device) sistema entregatu dio.
– Sistemak artroskopiak infekzio-arriskuak minimizatuta egitea ahalbidetzen du eremu kirurgikoaren gaineko kableak kentzen baititu.
– LEK Ingenieríak produzitutako WAD® sistemaren ideia Madrilgo Clínica Cemtroko Pedro Guillen doktoreak izan du. Hark, era berean, Mikel Sánchez doktorearen esku jarri du KAUrako (Kirurgia Artroskopikoaren Unitatea).
Arabako Teknologia Parkean kokatuta dagoen LEK Ingeniería Euskadiko enpresak produzitu du WAD®. Kablerik gabeko artroskopiako edo hirugarren belaunaldiko artroskopiako mundu mailako lehen sistema da. Produktuak osasun-sistemari egingo dion ekarpen nagusia honako hau da: kirurgia artroskopikoa egiteko garaian gerta daitezkeen infekzioen arriskua minimizatzen du.
LEK Ingenieríak WAD sistemari WAD® izenekoaren alderdi mekanikoen diseinuak eta garapenak egin dizkio. Era berean, hura arduratu da sistema produzitzeko prozedurez, baliabideez eta instalazioez.
WAD® eremu kirurgikotik bi kutsadura-iturri kentzen dituen kablerik gabeko artroskopiako kontzeptu berria da: kameraren konexio-kablea eta argi hotzaren kablea. Horiek ohikoak izaten dira bigarren belaunaldiko artroskopia-dorreetan.
WAD®ek objektibo estandarraren bidez okularrera egokitutako lente artroskopikoaren gainean muntatzen den kamera estankoa eta lentearen gainean muntatzen den neurri txikiko argi-iturria ditu.
INFEKZIO ARRISKUAK MINIMIZATUTA
WAD® sistemak modu esponentzialean gutxitzen ditu jatorria kableetan zuten infekzio-arriskuak. Gainera, kirurgialariak kableek ezarritako mugimendu-mugarik gabe erabil dezake.
WAD® esku-zorroan eraman daitekeen gailu eramangarria da. Ordenagailu eramangarri batean muntatzen da irudiak bistaratzeko, kontrolatzeko eta grabatzeko sistema eta horrek bigarren belaunaldiko artroskopiako dorre handiak ordezkatzen ditu.
Eramangarria izateari, WAD® sistemaren automatizazioari eta kostu txikiari esker, tresna bikaina da kontsultan teknika artroskopikoak egiteko eta hartzeko. Pazienteak oinez irits daitezke kontsultan kokatutako ebakuntza-mahaira eta gero beren kabuz atera daitezke handik. Horrek guztiak ebakuntza ondokoa ahalik eta gehien murriztea ahalbidetzen du.
