PERSEO Sarien lehen ediziorako deialdia egin du Iberdrolak
Energia garbien alorrean, garapenaren hastapenetan dauden enpresa edo proiektuak bultzatzeko helburuarekin abiarazi ditu Iberdrolak PERSEO Sariak. Egitasmook aplikazio teknologiko berritzailean oinarriturik egon behar dute, beti ere energia garbien sektorekoak izanik.
Horrenbestez, Iberdrolaren asmoa da energia garbien alorrean ikerketa indartzea, arlo ekonomiko, zein sozial edota ingurumenean aurrerapen nabarmena suposatuko duten proiektuak babestuz.
Eskaerak aurkezteko epea martxoaren 15ean hasi eta ekainaren 15ean amaituko da. Informazio gehiago jaso nahi izanez gero, Iberdrolaren web gunea bisitatu.
