Policlínica Gipuzkoa-k zentru mediko gisa Realaren babesle ofiziala izaten jarraituko du 4 urterako
Biok zuten akordioa 10 urte egin duenean, Realak eta Policlínica Gipuzkoa-k beste 4 urterako sinatu dute
Jokin Aperribayk, Realaren presidentea eta Joseba Vidorretak, Euskal Autonomia Erkidegoan Quiron Salud-eko lurralde-zuzendaria, klubaren egoitza den Reale Arenan sinatu dute gaur akordioa 2024ra arte batera lanean jarraitzeko.
Policlínica Gipuzkoa-k berriz ere klubaren babesle ofiziala izango da, centro mediku gisa, bion artean lortu duten akordioari esker. Gipuzkoan osasun pribatuan dekanoa dena, eta kirurgia aurreratuetan erreferentzia dena, Realaren jokalarientzat erreferentziazko zentrua da.
2010ean sinatu zuten akordioa oso pozgarria izan zen, eta froga bezala berriz ere luzatu dute. Zentru pribatuak, material medikoa eskainiko du eta futbol taldeak eskatuko dituen kontrol mediko guztiak jasoko ditu (analitikak, errekonozimentuak, etab).
Jokin Aperribay presidenteak Policlínica Gipuzkoa zoriondu zuen duela 45 urte ireki zituelako bere ateak, eta akordio honen garrantzia azpimarratu zuen, 10 urte bete dituena ere bai. Realaren presidenteak akordio honen garrantzia nabarmendu zuen: “Osasuna eta kirola oso lotuak daude eta horregatik, akordio hau klubaren estrukturaren garapenean eta gure kirolarien osasunarentzat oso garrantzitsua da”.
Joseba Vidorretak hurrengoa esan zuen: “Realarekin akordioak lortzea, erakusten ari den mailarekin, ardurarekin eta emaitza onekin, oso garrantzitsua eta onuragarria izango da guretzat. Oso iraulitak gaude pertsonen osasunarekin, bereziki kirolaren arloan. Gipuzkoan kirol arloan entidade garrantzitsuenarekin lotzea, edozeinentzat balio erantsi garrantzitsua da, herritarrentzat edo gizartearentzat adibidez, eta espero dut Realarentzat, eta bere jokalarientzat ere horrela izatea. Egun handia da gaurkoa”.
Akordio honen irismena Realeko futbol-talde guztiei dagokie, gizonezkoen zein emakumezkoen taldeei.Gaur egun, klub txuri-urdinak 11 futbol talde ditu, horietako 9 gizonezko eta 2 emakumezko, 275 jokalarirekin guztira.
Quirónsalud-i buruz
Quirónsalud ospitale-taldea liderra da Espainian, eta bere enpresa nagusiarekin, Fresenius-Heliusekin batera, baita Europan ere. Guztira 40.000 profesional baino gehiago ditu, 125 osasun-zentrotan baino gehiagotan; horien artean 50 ospitale daude, eta 7.000 ospitale-ohe eskaintzen dituzte gutxi gorabehera. Teknologia aurreratuena du, eta espezializazio eta nazioarteko entzute handiko profesional talde bikaina. Besteak beste, zentro hauek ditu Quirónsaludek: Hospital Universitario Fundación Jiménez Díaz, Centro Médico Teknon, Ruber Internacional, Hospital Universitario Quirónsalud Madrid, Hospital Quirónsalud Barcelona, Hospital Universitario Dexeus, Policlínica Gipuzkoa, Hospital Universitari General de Catalunya, Hospital Quirónsalud Sagrado Corazón, etab.
Taldea irakaskuntza eta ikerketa mediko-zientifikoa sustatzeko lanean aritzen da: bere ospitaletatik zortzi unibertsitate-ospitaleak dira, eta Ikerketa Sanitarioko FJD Institutua hartzen du barnean; hau da, Ikerketa, Garapen eta Berrikuntzako Estatu Idazkaritzak ziurtatutako ikerketa-zentro pribatu bakarra.
Era berean, bere asistentzia-zerbitzua zeharkako unitate eta sareetan antolatuta dago. Hori horrela, zentroetan metatutako esperientzia optimizatu daiteke, eta ikerketaren emaitzak klinikaren arloan aplikatu. Egun, Quirónsalud 1.600 ikerketa-proiektu baino gehiago ari da garatzen Espainia osoan, eta taldeko zentro askok puntako lana egiten dute alor horretan, hainbat espezialitatetan aitzindari izanik: besteak beste, onkologia, kardiologia, endokrinologia, ginekologia eta neurologian.
