Bizkaiko Teknologia Parkea genero-indarkeriaren aurkako sinadurak biltzen ditu
Bizkaiko Teknologia Parkeak astearte honetatik, abenduaren 9tik, ostegunera arte, hilak 11, berdintasunaren aldeko eta emakumeenganako indarkeriaren kontrako Eskutitzari atxiki nahi zaizkien gizonen sinadurak bilduko ditu Emakunde-Emakumearen Euskal Erakundeak sustatutako Gizonduz ekimenaren baitan. Horren bidez, Euskadin sexu-berdintasunaren aldeko gizonen kontzientziazioa, partaidetza eta inplikazioa sustatu nahi da. Sinadura bilketa Eraikin Nagusia-Barco eraikinean izango da, goizeko zortzietatik arratsaldeko lauretara.
